రష్యా వేదికగా రక్షణ మంత్రుల భేటీకి చైనా పిలుపు!

రష్యాలో జరుగుతోన్న షాంఘై కోఆపరేషన్​ ఆర్గనైజేషన్​ సదస్సు వేదికగా.. భారత్​, చైనా రక్షణ మంత్రుల సమావేశం నిర్వహించాలని చైనా కోరినట్లు అధికారవర్గాలు తెలిపాయి. ఈ విషయాన్ని భారత అధికారులకు తెలియజేసినట్లు చెప్పాయి. అయితే.. అధికారికంగా ఎలాంటి ప్రకటన రాలేదు.

సరిహద్దులో ఉద్రిక్త పరిస్థితులు కొనసాగుతున్న వేళ షాంఘై కోఆపరేషన్​ ఆర్గనైజేషన్ (ఎస్​సీఓ)​ సదస్సు వేదికగా ఇరు దేశాల రక్షణ మంత్రులు సమావేశం నిర్వహించాలని చైనా కోరినట్లు తెలుస్తోంది. భారత రక్షణ మంత్రి రాజ్​నాథ్​ సింగ్​తో భేటీ కోసం చైనా రక్షణ మంత్రి వీ ఫెంగి సుముఖంగా ఉన్నట్లు సంబంధిత అధికార వర్గాలు తెలిపాయి. రాజ్​నాథ్​తో సమావేశం ఏర్పాటు చేయాలని కోరినట్లు సమాచారం.

ఇరు దేశాల రక్షణ మంత్రులు సమావేశం కావాలనే తన అభిష్టాన్ని చైనా.. భారత అధికారుల​కు తెలియజేసినట్లు సమాచారం. అయితే ఈ విషయంపై అధికారికంగా ఎలాంటి ప్రకటన రాలేదు.

ఉద్రిక్తతల నడుమ ఇరువురు మంత్రుల మధ్య సమావేశానికి చైనా పిలుపునివ్వటం ప్రాధాన్యం సంతరించుకుంది.

మూడు రోజుల పర్యటనలో భాగంగా రష్యాకు వెళ్లారు రాజ్​నాథ్​. ఎస్​సీఓ సదస్సుతో పాటు రష్యాతో ద్వైపాక్షిక సంబంధాలపై చర్చించనున్నారు. అయితే.. రాజ్​నాథ్​ షెడ్యూల్​లో చైనా రక్షణ మంత్రితో భేటీ లేదు.

ఇదీ చూడండి: 'భారతీయుల ఆశయాలను కరోనా సంక్షోభం అడ్డుకోలేదు'