చైనా: వరుణుడి ప్రకోపం- జనజీవనం అస్తవ్యస్తం

చైనాపై వరుణుడు తన ప్రతాపాన్ని చూపిస్తున్నాడు. కుండపోత వర్షాలకు దేశవ్యాప్తంగా అనేక ప్రాంతాలు జలమయమయ్యాయి. సహాయక చర్యలు జోరుగా సాగుతున్నాయి. ప్రజలు తీవ్ర ఇబ్బందులు పడుతున్నారు.

చైనాను భారీ వర్షాలు ముంచెత్తాయి. ఆదివారం నుంచి ఎడతెరిపి లేకుండా కురుస్తోన్న వర్షాలకు హునన్​ రాష్ట్రం అస్తవ్యస్తమైంది. అనేక ప్రాంతాలు నీట మునిగాయి. రవాణా వ్యవస్థ స్తంభించింది. అధికారులు సహాయక చర్యల్ని ముమ్మరం చేశారు. 5 గంటల్లో 238 మందిని రక్షించినట్టు తెలిపారు. వీరిలో 51 మంది చిన్నారులున్నారు.

పుజియన్​ రాష్ట్రంలో కొండచరియలు విరిగి పడ్డాయి. 2 వేల మందిని సురక్షిత ప్రాంతాలకు తరలించారు. 5 వేలకు పైగా నివాసాల్లో విద్యుత్​ సరఫరాకు అంతరాయం కలిగింది.

బుధవారం తూర్పు, దక్షిణ, నైరుతి చైనాల్లో భారీ వర్షాలు కురిసే అవకాశముందని వాతావరణశాఖ ప్రకటించడం వల్ల అక్కడి ప్రజలు బిక్కుబిక్కుమంటూ జీవిస్తున్నారు.

ఇదీ చూడండి: డ్యాం కూల్చిన పీతలు మంత్రి ఇంటికొచ్చాయ్!