ఆస్ట్రేలియా నుంచి బొగ్గు దిగుమతిపై చైనా ప్రభుత్వం నిషేధం విధించిందని వస్తున్న వార్తలపై ఆసీస్ ప్రధాని స్కాట్ మారిసన్ స్పందించారు. ఒకవేళ అది నిజమైతే ప్రపంచ వాణిజ్య సంస్థ(డబ్ల్యూటీఓ) నింబంధనలను చైనా ఉల్లంఘించినట్లు అవుతుందని అన్నారు. అంతేకాకుండా ద్వైపాక్షిక స్వేచ్ఛా వాణిజ్య ఒప్పందాన్ని కూడా అతిక్రమించినట్లేనని చెప్పారు.
ఆస్ట్రేలియా మినహా ఇతర దేశాల నుంచి బొగ్గు దిగుమతి చేసుకునేందుకు విద్యుత్ తయారీ కేంద్రాలకు చైనా జాతీయ అభివృద్ధి, సంస్కరణల కమిషన్ అనుమతులు ఇచ్చినట్లు అక్కడి ప్రభుత్వ పత్రిక 'గ్లోబల్ టైమ్స్' కథనం ప్రచురించింది.