ఆస్ట్రేలియాలో భగ్గుమన్న 'కార్చిచ్చు'

ఆస్ట్రేలియాలో కార్చిచ్చు విజృంభిస్తోంది. అగ్ని జ్వాలలకు చాలా ఇళ్లు దగ్ధమయ్యాయి. ఎంతో ఆస్తి నష్టం వాటిల్లింది. మరో వారం రోజుల పాటు ఇదే పరిస్థితి కొనసాగవచ్చని అధికారులు తెలిపారు. బాధితుల్ని సురక్షిత ప్రాంతాలకు తరలిస్తున్నారు.

ఆస్ట్రేలియాలో 3 రోజులుగా కార్చిచ్చు చెలరేగుతోంది. ప్రాణ భయంతో వందలాది మంది ప్రజలు బలవంతంగా తమ ప్రాంతాలను ఖాళీ చెయ్యాల్సి వచ్చింది. మంటలు వ్యాపించి చాలా ఇళ్లు బూడిదయ్యాయి.

క్వీన్స్​లాండ్​ రాష్ట్రంలో కార్చిచ్చు ప్రభావంతో ఎంతో ఆస్తి నష్టం వాటిల్లింది. దాదాపు 300 మంది నిరాశ్రయులయ్యారు. స్టాన్​తోర్ప్​, వార్​విక్​ ప్రాంతాల్లోని పునరావాస కేంద్రాల్లో ఆశ్రయం పొందుతున్నారు.

భయంకరమైన కార్చిచ్చు అదుపులోకి రావడానికి మరో వారం రోజులు పడుతుందని అధికారులు తెలిపారు. బలమైన గాలులు వీచడం, గాలిలో తేమ శాతం తక్కువగా ఉండటమే దీనికి కారణంగా పేర్కొన్నారు.

ఇదీ చూడండి:బొమ్మకోసం 2 ఊళ్ల గొడవ.. నల్ల రంగుతో దాడులు