నేపాల్​ ఆర్మీ చీఫ్​తో నరవాణే కీలక చర్చ

భారత్​ సైన్యాధిపతి నరవాణే.. నేపాల్​ ఆర్మీ చీఫ్​ పూర్ణచంద్రతో గురువారం భేటీ అయ్యారు. మూడురోజుల నేపాల్​ పర్యటనలో భాగంగా.. ఇరు దేశాల సైన్యాల మధ్య ఉన్న బంధాన్ని బలోపేతం చేసే విషయంపై వీరు చర్చించారు.

మూడు రోజుల నేపాల్​ పర్యటనలో ఉన్న భారత సైన్యాధిపతి ఎమ్​ఎమ్​ నరవాణే.. ఆ దేశ సైన్యాధ్యక్షుడు పూర్ణచంద్ర థాపతో భేటీ అయ్యారు.

"ఇరు దేశాల ద్వైపాక్షిక అంశాలపై ఇరువురు సమాలోచనలు జరిపారు. ఇరు దేశాల సైన్యాల మధ్య ప్రస్తుతం ఉన్న మైత్రిని బలోపేతం చేసేందుకు నరవాణే-పూర్ణచంద్ర చర్చించారు."

-- నేపాల్​ ఆర్మీ ప్రధాన కార్యాలయం ప్రకటన.

నేపాలీ ఆర్మీ చరిత్ర, అక్కడ ఉన్నవారి ప్రస్తుత బాధ్యతలను కూడా నరవాణేకు వివరించినట్టు ఆ ప్రకటన ద్వారా వెల్లడించింది పొరుగు దేశ సైన్యం.

సరిహద్దు వివాదంతో భారత్​-నేపాల్​ మధ్య మైత్రి ఇటీవలే బలహీనపడింది. ఈ నేపథ్యంలో భారత సైన్యాధిపతి నేపాల్​ పర్యటన ప్రాధాన్యం సంతరించుకుంది.

ఇదీ చూడండి:-నేపాల్​లో భారత ఆర్మీ చీఫ్​కు​ ఘనస్వాగతం