ఒకే కుటుంబానికి చెందిన 11 మంది మృతి

పాకిస్థాన్​లో ఘోర ప్రమాదం జరిగింది. వేగంగా వెళుతున్న వాహనం అదుపుతప్పి కాలువలో పడింది. వాహనంలో ఉన్న 11 మంది మృతి చెందారు. వీరంతా ఒకే కుటుంబానికి చెందినవారు.

వేగంగా వెళుతున్న వాహనం అదుపుతప్పి కాలువలో పడింది. దీంతో ఒకే కుటుంబానికి చెందిన 11మంది మృతి చెందారు. అందులో ఏడుగురు చిన్నారులు, ముగ్గురు మహిళలు ఉన్నారు. ఈ ఘోర దుర్ఘటన పాకిస్థాన్​ పంజాబ్ రాష్ట్రం షేక్​పురా జిల్లాలో శుక్రవారం జరిగింది. ఖిలా దీదర్​ సింగ్​ నుంచి ఖాన్​ఖా దోగ్రాన్​కు వెళ్తుండగా ఈ ప్రమాదం సంభవించింది.

సమాచారం అందుకున్న పోలీసులు వెంటనే ఘటన ప్రదేశానికి చేరుకున్నారు. మృతదేహాల్ని పోస్టుమార్టం కోసం ఆస్పత్రికి తరలించారు.

పాకిస్థాన్‌లో రోడ్డు ప్రమాదాలు సర్వసాధారణం. ఏటా ఇలాంటి ప్రమాదాల్లో వేలాది మంది మరణిస్తున్నారు. గతేడాది నవంబర్‌లో.. పంజాబ్‌లో ఓ రిక్షా కాలువలో పడి 19 మంది మరణించారు.

ఇదీ చదవండి:సుడిగుండాలకు చైనాలో ఏడుగురు బలి