నిత్యం బాంబు పేలుళ్లు, ఉగ్రదాడులతో అట్టుడుకిపోతున్న అఫ్గానిస్థాన్.. ముష్కరుల ఆట కట్టించేందుకు భీకర ఆపరేషన్లు చేపట్టింది. కేవలం 24 గంటల్లోనే 100 మందికి పైగా ఉగ్రవాదులను హతమార్చింది. ఈ మేరకు ఆ దేశ రక్షణ శాఖ మంగళవారం అధికారిక ప్రకటన చేసింది.
గడిచిన 24 గంటల్లో అఫ్గాన్‌ వ్యాప్తంగా 15 ప్రావిన్స్‌లలో 18 ఆపరేషన్లు చేపట్టినట్లు ఆ దేశ రక్షణ శాఖ ట్విట్టర్‌లో పేర్కొంది. ఈ ఆపరేషన్లలో 109 మంది ఉగ్రవాదులను అఫ్గాన్‌ బలగాలు మట్టుబెట్టగా.. మరో 45 మంది ముష్కరులు గాయపడినట్లు వెల్లడించింది. ఇక మరో ఐదుగురిని భద్రతాదళాలు అరెస్టు చేసినట్లు తెలిపింది.