ప్రస్తుత అమెరికా అధ్యక్ష ఎన్నికల్లో యువతరం పోలింగ్ శాతం ఈ దఫా భారీగా పెరిగింది. ట్రంప్, బైడెన్ మధ్య పోరు హోరాహోరీగా ఉన్న నేపథ్యంలో వీరి ఓట్లు కీలకంగా మారనున్నాయని ఓ సర్వే తెలిపింది.
అమెరికా ఎన్నికల్లో యువత తీర్పే కీలకం!
అమెరికా అధ్యక్ష పోరులో యువత పోలింగ్ శాతం భారీగా పెరిగిన నేపథ్యంలో వీరి ఓట్లు కీలకం కానున్నాయి. సుమారు 80 లక్షల మందికిపైగా పోస్టల్ బ్యాలెట్ల ద్వారా ఓటు వేసిన కారణంగా.. అధ్యక్షుడి ఎన్నికల ఫలితాల్లో నిర్ణయాత్మకంగా మారే అవకాశం ఉంది.
అమెరికా
‘సెంటర్‌ ఫర్‌ ఇన్‌ఫర్మేషన్‌ అండ్ రీసెర్చ్‌ ఆన్‌ సివిక్‌ లెర్నింగ్‌ అండ్ ఎంగేజ్‌మెంట్‌ (సర్కిల్‌)’ లెక్కల ప్రకారం.. 18-29 ఏళ్ల మధ్య వయసున్నవారు ఈ ఎన్నికల్లో రికార్డు స్థాయిలో ఓట్లేశారు. అందులో 80 లక్షల మందికిపైగా పోస్టల్ బ్యాలెట్ల ద్వారా తమ ఓటు హక్కును ఉపయోగించుకున్నారు. ఈ నేపథ్యంలో వారి ఓట్లు నిర్ణయాత్మకంగా మారనున్నాయి.