ప్రపంచంపై కరోనా ఉద్ధృతి తగ్గడం లేదు. రోజురోజుకూ లక్షకుపైగా కొత్త కేసులు నమోదవుతున్నాయి. తాజాగా కొవిడ్-19 కేసుల సంఖ్య 1.34 కోట్లు దాటింది. ఇప్పటివరకు 5.81లక్షలకుపైగా మరణాలు సంభవించాయి.
ప్రపంచవ్యాప్తంగా ఉద్ధృతి తగ్గని కరోనా విలయం
ప్రపంచ దేశాలపై కరోనా మహమ్మారి పంజా విసురుతోంది. అమెరికా, బ్రెజిల్, రష్యా, వంటి దేశాల్లో వైరస్ ఉద్ధృతి అధికంగా ఉంది. రోజురోజుకూ కొత్త కేసుల సంఖ్యలో సరికొత్త రికార్డులు నమోదవుతున్నాయి.
మొత్తం కేసులు: 13,462,868
మొత్తం మరణాలు: 5,81,317
యాక్టివ్ కేసులు: 50,29,948
కోలుకున్నవారు: 78,51,603
అమెరికాలో..
అగ్రరాజ్యంలో వైరస్ విజృంభణ కొనసాగుతోంది. మొత్తం కేసుల సంఖ్య 35 లక్షల మార్కును దాటింది. దాదాపు 1.40లక్షలకుపైగా మంది ప్రాణాలు కోల్పోయారు. 16లక్షల మందికిపైగా వైరస్ నుంచి కోలుకున్నారు.
బ్రెజిల్లో..
వైరస్ కేసుల సంఖ్యలో రెండో స్థానంలో కొనసాగుతోన్న బ్రెజిల్లో.. ఉద్ధృతి కొనసాగుతోంది. మొత్తం కేసుల సంఖ్య 20లక్షలకు చేరువైంది. దాదాపు 75 వేలమంది ప్రాణాలు కోల్పోయారు. 12 లక్షల మందికిపైగా వైరస్ నుంచి కోలుకున్నారు.