ప్రపంచవ్యాప్తంగా కరోనా విలయం కొనసాగుతోంది. ఆదివారం ఉదయం నుంచి సోమవారం నాటికి 2.40 లక్షలకుపైగా కొత్తగా వైరస్బారినపడ్డారు. మొత్తం కేసుల సంఖ్య 2 కోట్ల 91 లక్షలు దాటింది. ఇప్పటి వరకు 2 కోట్ల 10 లక్షల మంది వైరస్ నుంచి కోలుకున్నారు. భారత్, అమెరికాలో ఉద్ధృతి కొనసాగుతోంది. బ్రెజిల్, రష్యాల్లో తగ్గుముఖం పట్టినట్లు కనిపిస్తోంది.
కరోనా విలయం
By
Published : Sep 14, 2020, 8:07 AM IST
కరోనా మహమ్మారి విలయంలో ప్రపంచ దేశాలు విలవిల్లాడుతున్నాయి. వేగంగా వ్యాపిస్తూ చిన్నాపెద్ద అనే తేడా లేకుండా చుట్టేస్తోంది. ఆదివారం ఉదయం నుంచి సోమవారం నాటికి 2.40 లక్షల కొత్త కేసులు వచ్చాయి. మొత్తం కేసుల సంఖ్య 2 కోట్ల 91 లక్షలు దాటింది. 9.28 లక్షలకుపైగా వైరస్కు బలయ్యారు. ప్రపంచవ్యాప్తంగా 2 కోట్ల 10 లక్షలకుపైగా వైరస్ నుంచి కోలుకోవటం ఊరట కలిగిస్తోంది. భారత్, అమెరికాల్లో వైరస్ ఉద్ధృతి కొనసాగుతోంది. బ్రెజిల్, రష్యాల్లో వైరస్ విజృంభణ కాస్త తగ్గుముఖం పట్టినట్లు కనిపిస్తోంది.
మొత్తం కేసులు: 29,179,972
మరణాలు: 928,208
కోలుకున్నవారు: 21,025,283
యాక్టివ్ కేసులు: 7,226,481
అమెరికాలో కరోనా ఉద్ధృతి కొనసాగుతోంది. ఆదివారం 31 వేలకుపైగా కొత్తగా వైరస్ బారిన పడ్డారు. మొత్తం కేసుల సంఖ్య 67 లక్షలు దాటింది. లక్షా 98వేలకుపైగా ప్రాణాలు కోల్పోయారు. దాదాపు 40 లక్షల మంది వైరస్ నుంచి కోలుకున్నారు.
బ్రెజిల్లో కరోనా మహమ్మారి కాస్త తగ్గుముఖం పట్టినట్లు కనిపిస్తోంది. ఆదివారం కొత్తగా 14వేల పాజిటివ్ కేసులు వచ్చాయి. శనివారంతో పోల్చితే కొత్త కేసుల్లో సగానికి తగ్గాయి. మొత్తం కేసుల సంఖ్య 43.30 లక్షలకు చేరింది. 1.31 లక్షలకుపైగా వైరస్కు బలయ్యారు.
రష్యాలో కొవిడ్ మహమ్మారి దాటికి వైరస్ బారినపడ్డవారి సంఖ్య 10 లక్షలు దాటింది. ఆదివారం దాదాపు 5వేల కొత్త కేసులు వచ్చాయి. ఇప్పటి వరకు 18వేల మందికిపైగా మరణించారు.
