అమెరికాలో ఒక్కరోజే 44వేల కరోనా కేసులు

ప్రపంచ దేశాలపై మహమ్మారి కరోనా విజృంభణ కొనసాగుతోంది. ప్రపంచవ్యాప్తంగా వైరస్​ కేసుల సంఖ్య 1.56 కోట్లకు చేరువలో ఉంది. ఇప్పటివరకు 5,36,776 మంది కొవిడ్-19​ కారణంగా ప్రాణాలు కోల్పోయారు. అమెరికా, బ్రెజిల్​, దక్షిణాఫ్రికా, పాక్​, రష్యా, దక్షిణ కొరియాల్లో కేసులు నానాటికీ పెరుగుతున్నాయి.

కరోనా ధాటికి ప్రపంచ దేశాలు విలవిల్లాడుతున్నాయి. అమెరికాలో ఒక్కరోజులోనే 44,530 కేసులు నమోదయ్యాయి. రష్యాలో కొత్తగా 6,000 మందికి వైరస్ సోకింది. పాక్​లోనూ వైరస్​ కేసులు భారీగానే నమోదవుతున్నాయి. బ్రెజిల్​, పెరూ దేశాల్లో వైరస్​ కరాళనృత్యం చేస్తోంది. ఇప్పటివరకు ప్రపంచ వ్యాప్తంగా కొవిడ్​-19 కేసులు 1.56 కోట్లకు చేరువలో ఉన్నాయి.

ఒక్కరోజులో 44వేలమందికి

అమెరికాలో కరోనా కేసులు పెరుగుతూనే ఉన్నాయి. కొత్తగా 44,000 మందికిపైగా వైరస్​ బారినపడ్డారు. ఫలితంగా బాధితుల సంఖ్య 30 లక్షలకు చేరువైంది. మరో 251 మంది వైరస్​కు బలయ్యారు. దీంతో ఇప్పటివరకు కరోనాతో మరణించిన వారి సంఖ్య 1,32,569కి చేరింది.

మరింత తీవ్రం..

బ్రెజిల్​ను కరోనా అతలాకుతలం చేస్తోంది. ఇప్పటికే వైరస్​ కేసుల సంఖ్యలో ప్రపంచంలోనే రెండో స్థానంలో ఉంది. అక్కడ కొత్తగా మరో 26,000 మందికి వైరస్​ సోకింది. దీంతో మొత్తం బాధితులు 16లక్షల 4వేలకు పెరిగింది. మరో 535 మంది కొవిడ్​-19తో మృతి చెందగా.. మరణాల సంఖ్య 64,900కు ఎగబాకింది.

ఒక్కరోజులో 8వేలమందికి..

దక్షిణాఫ్రికాలో ఒక్కరోజులోనే 8,773 మందికి కొత్తగా కరోనా సోకింది. దేశవ్యాప్తంగా మొత్తం కేసుల సంఖ్య 1,96,750కి పెరిగింది.

6లక్షల 81వేలమందికి.

రష్యాలో మరో 6,700 మందికి వైరస్​ నిర్ధరణ అయింది. దీంతో మొత్తం కేసుల సంఖ్య 6,81,251కి పెరిగింది. 134 వైరస్​తో మృతి చెందగా.. మొత్తం మరణాల సంఖ్య 10,161కు చేరింది.

ప్రపంచవ్యాప్తంగా కరోనా గణాంకాలు

ఇదీ చూడండి:చైనాలో మరో మహమ్మరి కలకలం!