WHO Chief: కొవిడ్-19 అంతానికి ప్రపంచవ్యాప్తంగా జరుగుతున్న యుద్ధాన్ని బూస్టర్ డోసుల కోసం ధనిక దేశాలు చూపుతున్న ఆత్రుత మరింత ప్రమాదంలోకి నెట్టివేస్తుందని ప్రపంచ ఆరోగ్యసంస్థ (డబ్ల్యూ హెచ్‌ఓ) హెచ్చరించింది. 'ఏకపక్షంగా వెళ్లి ఏ దేశం కూడా ఈ మహమ్మారిని జయించలేదు' అని స్పష్టం చేసింది.
డబ్ల్యూ హెచ్‌ఓ డైరెక్టర్‌ జనరల్‌ టెడ్రోస్ అథనోమ్ గేబ్రియేసెస్‌ బుధవారం ఆన్‌లైన్‌ న్యూస్‌ కాన్ఫరెన్స్ ద్వారా మాట్లాడారు. 'ఆసుపత్రిలో చేరేవారిలో, కొవిడ్ మృతుల్లో.. వ్యాక్సిన్ తీసుకోనివారి సంఖ్యే ఎక్కువగా ఉంది. బూస్టర్ డోసు తీసుకోనివారి సంఖ్య కాదు.' అని తెలిపారు.
ఒమిక్రాన్ వేరియంట్ వ్యాప్తి దృష్ట్యా తగిన జాగ్రత్తలు తీసుకోవాలని సూచించారు అథనోమ్. 2021లో దాదాపు 35 లక్షల మంది కొవిడ్ కారణంగా ప్రాణాలు విడిచారని పేర్కొన్నారు. ప్రపంచవ్యాప్తంగా పూర్తిస్థాయిలో వ్యాక్సినేషన్ జరిగితేనే మహమ్మారి వ్యాప్తికి ముగింపు అని వ్యాఖ్యానించారు.