'మిస్​ అమెరికా'గా వర్జీనియా యువతి

2020 మిస్​ అమెరికాగా వర్జీనియా యువతి కెమెల్లి ష్రియర్​ ఎంపికైంది. ఆద్యంతం ఉత్కంఠగా సాగిన పోటీలో విజేతగా నిలిచింది ష్రియర్​. గత ఏడాది విజేత ఫ్రాంక్లిన్​.. ష్రియర్​కు అందాల కిరీటాన్ని అలంకరించింది.

అమెరికా అందాల పోటీలో వర్జీనియాకు చెందిన జీవరసాయనవేత్త కెమెల్లి ష్రియర్​ మెరిసింది. మిచిగాన్​ సన్​ ఎర్త్​ ఎక్స్​పో అండ్​ కన్వెన్షన్ కేంద్రంలో నిర్వహించిన.. 'మిస్​ అమెరికా' 2020 అందాల పోటీలో విజేతగా నిలిచి రికార్డు సృష్టించింది ష్రియర్​.

తుది పోటీలో ల్యాబ్​ కోట్​లో వేదికపైకి వచ్చిన ష్రియర్​.. హైడ్రోజన్​ పెరాక్సైడ్​ ఉత్ప్రేరకంతో రంగురంగుల రసాయన ప్రదర్శన ఇచ్చి అందరి మన్ననలు పొందింది. సుదీర్ఘంగా సాగిన పోటీలో విజేతగా నిలిచింది. 2019 మిస్​ అమెరికా విజేత న్యూయార్క్​కు చెందిన నియా ఫ్రాంక్లిన్​.. ష్రియర్​కు అందాల కిరీటాన్ని అలంకరించింది.

రెండో స్థానంలో మిస్​ మిస్సౌరి సిమోన్​ ఈస్టెర్​, మూడో స్థానంలో మిస్​ ఓక్లాహోం అడిసన్​ ప్రైస్​ నిలిచారు.

51 మంది పోటీ..

మిస్​ అమెరికా పోటీల్లో 51 మంది యువతులు పోటీ పడ్డారు. విజేతకు 50 వేల డాలర్ల ఉపకార వేతనం అందిస్తారు.

ఇదీ చూడండి:ప్రపంచ సుందరిగా జమైకా యువతి.. రెండో రన్నరప్​గా భారత్​