హింసాత్మకంగా 'నిప్సీ హసిల్' అభిమానుల ర్యాలీ అమెరికా లాస్ ఏంజెల్స్లో ప్రముఖ ర్యాపర్ నిప్సీ హసిల్ హత్యకు నిరసనగా అభిమానులు నిర్వహించిన కొవ్వొత్తుల ర్యాలీ హింసకు దారితీసింది. సోమవారం 300 నుంచి 400 మంది అభిమానులు ఈ కార్యక్రమానికి హాజరయ్యారు. ఆ గుంపులో ఆకస్మికంగా గొడవ జరిగింది. ఒకరిపై ఒకరు బాటిళ్లు విసురుకున్నారు. అందరూ ఒక్కసారిగా భయంతో పరుగులు తీశారు. అది కాస్తా తొక్కిసలాటకు దారితీసింది. ఈ ఘటనలో ఒకరు తీవ్రంగా గాయపడ్డారు, మరో ఐదుగురికి గాయాలైనట్లు పోలీసులు తెలిపారు. సమాచారం అందుకున్న వెంటనే ఘటనాస్థలికి చేరుకున్న పోలీసులు పరిస్థితిని అదుపుచేశారు. పోలీసుల అదుపులో ర్యాపర్ హత్యకేసు నిందితుడు
ర్యాపర్ 'నిప్సీ హసిల్' హత్యకేసులో నిందితుడిగా భావిస్తోన్న 29 ఏళ్ల 'ఎరిక్ హోల్డర్'ను పోలీసులు అదుపులోకి తీసుకున్నారు. కారు నంబర్ ప్లేటు ఆధారంగా 'ఎరిక్'ని పట్టుకున్నట్లు తెలిపారు.
ఆదివారం మధ్యాహ్నం దక్షిణ లాస్ ఏంజెల్స్లోని తన సొంత వస్త్ర దుకాణం ముందు 'నిప్సీ'ని తుపాకీతో కాల్చిచంపాడు దుండగుడు.
ఇదీ చూడండి :'జనాకాంక్షలకు ఆ విగ్రహాలే ప్రతిరూపాలు'
