అమెరికా 'నేషనల్ సైన్స్ ఫౌండేషన్'(ఎన్ఎస్ఎఫ్) డైరెక్టర్గా ప్రముఖ భారతీయ అమెరికన్ శాస్త్రవేత్త డాక్టర్ సేతురామన్ పంచనాథన్ బాధ్యతలను చేపట్టనున్నారు. ఈ విషయాన్ని అమెరికా సెనేట్ ధ్రువీకరించింది. ఇంజినీరింగ్, సైన్స్ విభాగాల్లోని వైద్యేతర రంగాల్లో ప్రాథమిక పరిశోధనలకు సహకరిస్తున్న ఎన్ఎస్ఎఫ్ అమెరికా అగ్ర సంస్థల్లో ఒకటి.
ప్రస్తుతం డైరెక్టర్గా ఉన్న ఫ్రాన్స్ సీ డోవా పదవీకాలం మార్చితోనే ముగిసింది. జులై 6న ఎన్ఎస్ఎఫ్ 15వ డైరెక్టర్గా సేతురామన్ బాధ్యతలు స్వీకరించే అవకాశం ఉన్నట్లు తెలుస్తోంది.
రెండో వ్యక్తి..
ఈ స్థాయిని చేరుకున్న రెండో భారతీయ అమెరికన్గా సేతురామన్ నిలిచారు. ఇంతకుముందు డాక్టర్ సుబ్రా సురేశ్ 2010 అక్టోబర్- 2013 మార్చి వరకు డైరెక్టర్గా సేవలందించారు. సేతురామన్ అందించిన సేవల కారణంగా ఆయనకు రిపబ్లికన్లతో పాటు డెమొక్రాట్ల మద్దతు కూడా ఉందని ఇండియాస్పొరా వ్యవస్థాపకులు రంగస్వామి తెలిపారు.
ఐఐటీ మద్రాసు నుంచి..
భారత్లో 1961 జూన్ 24న పుట్టారు సేతురామన్. ఐఐటీ మద్రాస్, ఐఐఎస్సీ బెంగళూరు వంటి ప్రముఖ సంస్థల్లో చదువుకున్నారు. అనంతరం 1989లో ఒట్టావా విశ్వవిద్యాలయం నుంచి పీహెచ్డీ పట్టా పొందారు. ప్రస్తుతం అరిజోనా రాష్ట్ర విశ్వవిద్యాలయంలో పనిచేస్తున్నారు. అమెరికాకు చెందిన కొన్ని జాతీయ సంస్థల్లో కీలక స్థానాల్లో పనిచేశారు.
