క్యాపిటల్​ రగడ: ట్రంప్​ ఖాతాను లాక్​ చేసిన ట్విట్టర్​

అమెరికా అధ్యక్షుడు డొనాల్డ్​ ట్రంప్​కు ట్విట్టర్​, ఫేస్​బుక్​ షాకిచ్చాయి. కాపిటోల్​ భవనం వద్ద జరిగిన అందోళనల నేపథ్యంలో ట్రంప్​ చేసిన పోస్టులపై ఆ సంస్థలు అభ్యంతరం వ్యక్తం చేశాయి. ట్రంప్​ చేసిన వీడియోని ఫేస్​బుక్ తీసివేస్తే.. ట్విట్టర్​ 12 గంటల పాటు అధ్యక్షుడి ఖాతాను నిలిపివేసింది.

అమెరికా అధ్యక్షుడు డొనాల్డ్​ ట్రంప్‌ ఖాతాను ట్విట్టర్​ లాక్ చేసింది. 12 గంటల పాటు లాక్ చేస్తూ నిర్ణయం తీసుకుంది. తమ నియమాలకు విరుద్ధంగా ఉన్నట్వీట్లను వెంటనే తొలగించాలని ట్రంప్​ని కోరింది. సంబంధిత ట్వీట్లు తొలగించకపోతే ఖాతాని లాక్​ చేసే ఉంచుతాం అని స్పష్టం చేసింది. దీనిపై అధ్యక్షుడి నుంచి స్పందన లేకపోవడం చూసిన ట్వీట్టర్​.. ట్రంప్‌ చేసిన రెండు ట్వీట్లను తొలగించింది.

ఫేస్​బుక్​ది అదే దారి...

ఆందోళనకారులు సంయమనం పాటించాలంటూ ఫేస్​బుక్​లో ట్రంప్‌ పోస్టు చేసిన వీడియో సందేశాన్ని ఫేస్​బుక్​ యాజమాన్యం తొలగింది. ట్రంప్‌ మద్దతుదారుల ఆందోళనల దృష్ట్యా వీడియో తొలగించామని ఫేస్‌బుక్‌ వివరణ ఇచ్చింది.