ఎన్నికల ఫలితాలపై ఈ నెల 6న ట్రంప్​ అనుచరుల ర్యాలీ

అధ్యక్ష ఎన్నికల ఫలితాలకు వ్యతిరేకంగా తన అనుచరులు జనవరి 6న భారీ ర్యాలీ నిర్వహించనున్నట్లు అగ్రరాజ్యాధినేత డొనాల్డ్​ ట్రంప్​ వెల్లడించారు. ఇందుకు వేదిక రాజధాని వాషింగ్టన్​ డీసీ అని తెలిపారు. ప్రజలందరూ పెద్ద ఎత్తున్న పాల్గొని విజయవంతం చేయాలని పిలుపునిచ్చారు.

అమెరికా రాజధాని వాషింగ్టన్​లో భారీ ర్యాలీ తీయడానికి ట్రంప్​ మద్దతుదారులు సిద్ధమవుతున్నారు. అధ్యక్ష ఎన్నికల ఫలితాలకు వ్యతిరేకంగా జనవరి 6న నిరసన కార్యక్రమం జరుగనున్నట్లు ట్రంప్​ ట్విట్టర్​ వేదికగా వెల్లడించారు.

ఎన్నికల ఫలితాలను నిరసిస్తూ జనవరి 6న, ఉదయం 11 గంటలకు వాషింగ్టన్​ డీసీలో భారీ ర్యాలీ జరుగనుంది. పెద్ద మొత్తంలో సాక్ష్యాలను సమర్పిస్తాము. మేము గెలుస్తాం.

-ట్విట్టర్​లో డొనాల్డ్​ ట్రంప్​.

2020 ఎన్నికల ఫలితాలకు వ్యతిరేకంగా ఐక్యతను చాటడానికి అమెరికన్లు నిరసనలో పాల్గొనాలని ర్యాలీకి నాయకత్వం వహిస్తున్న విమెన్​ ఫర్​ అమెరికా ఫస్ట్​ అనే సంస్థ పిలుపునిచ్చింది.

ఇదీ చదవండి:'2021..డీఆర్​డీవోకు ఎగుమతుల సంవత్సరం'