కొంత కాలంగా అమెరికా, ఇరాన్ మధ్య ఉద్రిక్తతలు నెలకొన్న నేపథ్యంలో అగ్రరాజ్య అధ్యక్షుడు డొనాల్డ్ ట్రంప్ ఆసక్తికర వ్యాఖ్యలు చేశారు. ఇరాన్లో అధికార మార్పిడిని తాము కోరుకోవట్లేదని వ్యాఖ్యానించారు. కానీ అణ్వాయుధాలను సమకూర్చుకోవడాన్ని ఆపాలని ఇరాన్ను హెచ్చరించారు.
"మేం అధికార మార్పిడి కోరుకోవట్లేదు. అది మేం ఎప్పుడూ కోరుకోం. వారు అణ్వాయుధాన్ని కలిగి ఉండకూడదు."
- డొనాల్డ్ ట్రంప్, అమెరికా అధ్యక్షుడు
ఇరాన్ అణు కార్యక్రమాన్ని నియంత్రించే లక్ష్యంతో గతేడాది ఇరాన్తో జరగాల్సిన ఒప్పందాన్ని అమెరాకా పక్కన పెట్టింది. అందుకు బదులుగా ఆంక్షలను విధించింది.
2015లో చేసుకున్న అణు ఒప్పందం ప్రకారం ఉండాల్సిన 3.67 శాతం పరిమితికి మించి యురేనియం నిల్వలను సమకూర్చుకున్నట్లు ఇరాన్ గతవారం ప్రకటించింది. యురేనియం నిల్వలపై 300 కిలోల క్యాప్ను అధిగమించింది.
ఇరాన్తో ట్రంప్ ఒప్పందాన్ని రద్దు చేయడం ఉద్రిక్తతలకు కారణమైంది. ముందుగా ఇరాన్పై వైమానిక దాడులు చేయాలనుకున్న అమెరికా ఓ డ్రోన్ను ఇరాన్ పడగొట్టిన కారణంగా దాడిని విరమించుకుంది. చమురు నౌకలపై వరుస దాడులు ఇస్లామిక్ రిపబ్లిక్కు చెందిన ఉగ్రవాదుల పనిగా అమెరికా గుర్తించింది.
అమెరికా నిప్పుతో ఆడుకుంటోందని ఇరాన్ విదేశాంగ శాఖమంత్రి మహమ్మద్ జావెద్ జారీఫ్ ఆగ్రహం వ్యక్తం చేశారు.
ఇదీ చూడండి: అసోం, బిహార్లో వరదల బీభత్సం.. 55 మంది మృతి
