హాంగ్కాంగ్లో కొద్ది నెలలుగా నెలకొన్న ఉద్రిక్త పరిస్థితులపై అమెరికా అధ్యక్షుడు డొనాల్డ్ ట్రంప్ ఆవేదన వ్యక్తం చేశారు. ఈ విషయంపై త్వరలోనే చైనా అధ్యక్షుడు జిన్పింగ్తో చర్చించనున్నట్టు వెల్లడించారు.
ఆందోళనకారులతో జిన్పింగ్ చర్చలు జరపాలని అమెరికా అధ్యక్షుడు అభ్యర్థించారు. అలా జరిగితే నిరసనలు 15 నిమిషాల్లోనే ఆగిపోతాయని ధీమా వ్యక్తం చేశారు.
నేరస్థులను చైనాకు అప్పగించే బిల్లును హాంగ్కాంగ్ ప్రభుత్వం ఈ ఏడాది ఫిబ్రవరిలో ప్రతిపాదించింది. ఫలితంగా... బిల్లును నిరసిస్తూ హాంకాంగ్‌లో ఆందోళనలు చెలరేగాయి.
వాణిజ్య యుద్ధంతో చైనా డీలా...
చైనాతో నెలకొన్న వాణిజ్య యుద్ధంపై స్పందించారు ట్రంప్. తమ ఆంక్షలతో డ్రాగన్ దేశం రోజురోజుకూ బలహీనపడుతోందని ట్రంప్ అన్నారు. వాణిజ్య యుద్ధం ముందుకు సాగే కొద్దీ.. అమెరికా మరింత బలపడుతుందని అభిప్రాయపడ్డారు.
అయితే అమెరికా- చైనా మధ్య నెలకొన్న వాణిజ్య యుద్ధం మరెన్నో రోజులు ఉండదని ట్రంప్ ఆశాభావం వ్యక్తం చేశారు. ఇరు దేశాల మధ్య చర్చలు సానుకూలంగా జరుగుతున్నాయన్నారు.
హాంగ్కాంగ్ నిరసనల విషయంపై త్వరలోనే జిన్పింగ్తో ట్రంప్ చర్చించనున్న నేపథ్యంలో వాణిజ్య యుద్ధం ప్రస్తావనా ఉండే అవకాశముందని అగ్రరాజ్య అధికార వర్గాల సమాచారం.
ఇదీ చూడండి:- శ్రుతిమించితే... ఉద్యమాన్ని అణగదొక్కుతాం: చైనా
