వేలాది విమానాలకు తుఫాన్​ బ్రేకులు

అమెరికాలో తుఫాన్ విరుచుకుపడుతోంది. భీకర గాలులతో బీభత్సం సృష్టిస్తోంది. ఫలితంగా దేశవ్యాప్తంగా వేలాదిగా విమాన రాకపోకలకు తీవ్ర ఆటంకం ఏర్పడింది.

అమెరికాలోని మిస్సిసిపి, టెక్సాస్​, లూసియానా రాష్ట్రాల్లో తుఫాన్ బీభత్సం సృష్టిస్తోంది. ప్రచండ గాలులతో విరుచుకుపడుతూ... వందలాది ఇళ్లను ధ్వంసం చేసింది. టెక్సాస్​, లూసియానాలో విపత్తు కారణంగా పలువురు ప్రాణాలు కోల్పోయారు. మిస్సిసిపిలో విద్యుత్​ వ్యవస్థ కుప్పకూలి లక్షల మంది అంధకారంలో బతుకున్నారు. ఆ రాష్ట్ర గవర్నర్​ అత్యవసర పరిస్థితి ప్రకటించారు.

తుఫాన్​ ప్రభావంతో దేశవ్యాప్తంగా వేలాది విమాన సర్వీసులు రద్దయ్యాయి. మరికొన్ని ఆలస్యంగా నడుస్తున్నాయి. ప్రయాణికులు గమ్యం చేరుకోవడానికి తీవ్ర అవస్థలు పడుతున్నారు. గంటల తరబడి విమానాశ్రయాల్లో పడిగాపులు కాస్తున్నారు.