వయసు వందేళ్లు- పవర్​లిఫ్టింగ్​లో గిన్నిస్ రికార్డు

వందేళ్ల వయసులో అమెరికాకు చెందిన ఈ బామ్మ చేసిన సాహసం చూస్తే ఎవరైనా ఫిదా అవ్వాల్సిందే. ఈ వయసులో.. పవర్​ లిఫ్టింగ్ చేసి గిన్నిస్ వరల్డ్ రికార్డ్స్​లో చోటు సంపాదించారు. అంతేకాక ప్రపంచంలోనే అత్యంత వయస్కురాలైన పవర్​లిఫ్టర్​గా నిలిచారు. మరి ఆ విశేషాలేంటో తెలుసుకుందామా..?

ఇది ఒలింపిక్స్​ సమయం. ఎక్కడకు వెళ్లినా టోక్యో ఒలింపిక్స్​ గురించే మాట్లాడుకుంటున్నారు. ఈ క్రమంలో అమెరికా ఫ్లోరిడాకు చెందిన 100 సంవత్సరాల ఎడిత్​ ముర్వే- ట్రయానా.. పవర్ లిఫ్టింగ్​ చేసి ప్రఖ్యాత గిన్నిస్ వరల్డ్ రికార్డ్స్​లో చోటుసాధించారు. ఆగస్టు 8న 100వ జన్మదినం సందర్భంగా.. ఆమె ఈ ఘనత సాధించారు.

ఔరా అనాల్సిందే..

వందేళ్ల వయసులో.. జిమ్​లో ఆమె చేస్తున్న వర్క్​అవుట్స్ చూస్తే ఎవరైనా ఔరా అనాల్సిందే.. ఈ దృశ్యాలను చూసిన నెటిజెన్లు బామ్మను తెగ ప్రశంసిస్తున్నారు.

రోజూ జిమ్​కు వెళ్లేదాన్నని.. ప్రతిరోజూ సరికొత్త సవాళ్లను అధిగమించటం అలవాటైందని ముర్వే తెలిపారు. 'తన తల్లిని చూస్తే గర్వంగా ఉందని, ఆమె ప్రపంచ రికార్డు నెలకొల్పిందని'ముర్వే కుమార్తె హనీ కాట్రెల్ తెలిపారు. తన తల్లి ఘనత కారణంగా కుటుంబం మొత్తం గర్విస్తోందన్నారు.

గతంలో డ్యాన్స్​ టీచర్​గా పనిచేసిన ముర్వే.. తన ప్రియ స్నేహితురాలు కార్మెన్ గట్​వర్త్ సలహాతో 90 ఏళ్ల వయసులో పవర్​ లిఫ్టింగ్​ సాధన ప్రారంభించారు.

ఇదీ చదవండి:మనవరాలి కోసం మోడల్​గా మారిన బామ్మ