ద బిగ్​ బాయ్​.. ప్రపంచంలోనే అతిపెద్ద నీటి ఆవిరి రైలు

పేరు బిగ్​బాయ్​.. 133 అడుగుల పొడవు, 1.2 మిలియన్​ పౌండ్ల బరువు. ఎవరబ్బా అనుకుంటున్నారా..? ఓ రైలు. ప్రపంచంలోనే అతి పెద్ద నీటి ఆవిరి రైలుగా రికార్డుకెక్కిన ఈ బండి... చారిత్రక ప్రయాణం ప్రారంభించింది.

ప్రపంచంలోనే అతి పెద్ద నీటి ఆవిరి రైలు అమెరికా షికాగోలో అనేక ఏళ్ల విరామం తర్వాత పట్టాలెక్కింది. 'బిగ్​ బాయ్'​గా పిలిచే ఈ రైలు పశ్చిమ షికాగో నుంచి అయోవాకు మంగళవారం పయనమైంది. ట్రాన్స్​కాంటినెంటల్​ రైల్​రోడ్డు సంస్థ 150వ వార్షికోత్సవం సందర్భంగా ఈ ప్రయాణం చేస్తోంది.

133 అడుగులు, 1.2 మిలియన్​ పౌండ్ల బరువు కలిగిన రైలు బండిని 1940లో రవాణా సంస్థలో ప్రవేశపెట్టారు. ఆ తర్వాత 1961లో యూనియన్​ పసిఫిక్​ రైల్​రోడ్డు నుంచి విరమణ పొందింది.

యూనియన్​ పసిఫిక్​ 2013లో బిగ్​ బాయ్​ను పునరుద్ధరించే పని ప్రారంభించింది. అది ఇప్పటికి పూర్తయ్యింది.