తూర్పు లద్దాఖ్లో భారత సైనికులపై డ్రాగన్ బలగాలు చేసిన దాడిని కమ్యూనిస్టు పార్టీ ఆఫ్ చైనా దుర్నీతికి నిదర్శనంగా అభివర్ణించారు అమెరికా విదేశాంగమంత్రి మైక్ పాంపియో. 'ఇండియా ఐడియా సమ్మిట్'లో మాట్లాడుతూ ఆయన పలు కీలక వ్యాఖ్యలు చేశారు.
భారత్ నిర్ణయం భేష్
59 చైనా యాప్లను భారత్ నిషేధించడాన్ని పాంపియో స్వాగతించారు. పౌరుల భద్రతకు సవాల్గా నిలుస్తున్న అలాంటి యాప్లను భారత్ నిషేధించడం చాలా మంచి విషయమన్నారు.
కలిసి పనిచేద్దాం..
ప్రపంచానికి కమ్యూనిస్టు పార్టీ ఆఫ్ చైనా సవాల్ విసురుతున్న నేపథ్యంలో... భారత్-అమెరికా లాంటి ప్రజాస్వామ్య దేశాలు కలిసి పనిచేయాల్సిన అవసరం ఉందని పాంపియో అభిప్రాయపడ్డారు. ట్రంప్ విదేశాంగ విధానంలో భారత్కు ప్రత్యేక స్థానముందని ఆయన పేర్కొన్నారు.
అలాగే ఇండో-పసిఫిక్ ప్రాంతంతో పాటు ప్రపంచవ్యాప్తంగా... అమెరికా రక్షణ, భద్రతా భాగస్వామిగా భారత్ నిలుస్తున్నందుకు చాలా సంతోషంగా ఉందని పాంపియో అన్నారు.
గల్వాన్ ఘర్షణ
తూర్పు లద్దాఖ్ గల్వాన్ లోయ ప్రాంతాన్ని ఆక్రమించుకునేందుకు చైనా బలగాలు జరిపిన దాడిలో 20 మంది భారతీయ సైనికులు అమరులయ్యారు. అయితే ఈ ఘర్షణలో చైనా వైపు కూడా భారీగా ప్రాణనష్టం జరిగింది. చైనా విస్తరణ వాదాన్ని తప్పుపట్టిన అమెరికా... భారత్కు మద్దతు ప్రకటించింది.
ఇదీ చూడండి:'ఆ శక్తి భారత్- అమెరికాకు మాత్రమే ఉంది'