జీ20 సదస్సు వేదికగా మోదీ- ట్రంప్​ భేటీ

సార్వత్రిక ఎన్నికల్లో ఘన విజయం సాధించి రెండో సారి ప్రధాని బాధ్యతలు స్వీకరించాక నరేంద్ర మోదీ తొలిసారి అమెరికా అధ్యక్షుడు ట్రంప్​తో భేటీ కానున్నారు. జపాన్​లో ఈ నెల 28,29 తేదీల్లో జరగనున్న జీ20 సదస్సులో ట్రంప్​తో పాటు పలు దేశాధినేతలతో మోదీ చర్చలు జరపనున్నారు.

ఈ నెల 28,29 తేదీల్లో జపాన్​లోని ఒసాకా నగరంలో జరగనున్న జీ20 సదస్సులో భాగంగా అమెరికా అధ్యక్షుడు డొనాల్డ్​ ట్రంప్​తో భారత ప్రధానమంత్రి నరేంద్ర మోదీ సమావేశమవనున్నారు.​ ట్రంప్​తో పాటు ఫ్రాన్స్​ అధ్యక్షుడు ఇమ్మానుయెల్‌ మాక్రాన్‌​, జపాన్ ప్రధాని షింజో అబే సహా దాదాపు 10 మంది దేశాధ్యక్షులతో ద్వైపాక్షిక చర్చలు జరపనున్నారు మోదీ.

రష్యా-భారత్​-చైనా(ఆర్​ఐసీ), జపాన్-అమెరికా-భారత్​(జేఏఐ) త్రైపాక్షిక చర్చలతో పాటు బ్రిక్స్ దేశాధినేతలతో సమావేశం కానున్నారు మోదీ.

తొలిసారిగా..

సార్వత్రిక ఎన్నికల్లో ఘన విజయం సాధించి భారతదేశ ప్రధానిగారెండోసారి పదవి చేపట్టిన అనంతరం ట్రంప్​తో మోదీ తొలిసారి భేటీకానున్నారు. ఇరు దేశాల మధ్య వ్యూహత్మక ఒప్పందాలు జరిగే అవకాశాలున్నాయి.

వీటిపైనే చర్చలు

ఈ సారి జీ20 సదస్సులో ముఖ్యంగా ప్రపంచ ఆర్థిక వృద్ధి, వాణిజ్యం, పెట్టుబడులు, నవకల్పనలు, డిజిటల్​ ఎకానమి, కృత్రిమ మేధ, వాతావరణ మార్పులు, పర్యావరణ సంరక్షణ వంటి అంశాలపై దేశాధినేతలు చర్చించనున్నారు.

ఇదీ చూడండి: 'గాంధీలు కాని ప్రధానులపై కాంగ్రెస్ చిన్నచూపు'