భారత మిషన్శక్తిపై పెంటగాన్ సమర్థన స్వదేశీ పరిజ్ఞానంతో భారత్ నిర్వహించిన ఉపగ్రహ విధ్వంసక క్షిపణి(యాంటీ శాటిలైట్- ఏ శాట్) ప్రయోగాన్ని అమెరికా సమర్థించింది. అంతరిక్షంలో ఎదురయ్యే సవాళ్లను అధిగమించేందుకే భారత్ ఈ ప్రయోగం చేసుంటుందని సమర్థించింది అమెరికా రక్షణ విభాగం పెంటగాన్.
''భారత్ ఏశాట్ ప్రయోగం ఎందుకు చేసిందనేది మొదటి ప్రశ్న. అందుకు సమాధానంగా సెనేట్ కమిటీకి చెప్పేదొక్కటే.. అంతరిక్షంలో ఎదురయ్యే సవాళ్ల నుంచి రక్షణకే... భారత్ ఈ ప్రయోగం చేసిందని భావిస్తున్నా.''
- అమెరికా వ్యూహాత్మక విభాగ కమాండర్ జనరల్ జాన్
సవాళ్లను ఎదుర్కొనే సామర్థ్యం తమకుందని నిరూపించేందుకు భారత్ ఏశాట్ ప్రయోగం నిర్వహించినట్టు సెనేట్ సాయుధ సేవల కమిటీ ప్రశ్నకు బదులిచ్చారు జాన్. ఈ కమిటీ భారత్ ఉపగ్రహ విధ్వంసక క్షిపణి పరీక్ష చేపట్టటం, అంతరిక్షంలో వ్యర్థాలను ఏర్పరచటంపై వివరణ కోరింది.
భారత ప్రయోగంతో ఉత్పన్నమైన వ్యర్థాల్లో.. 60 శకలాల్ని ట్రాక్ చేశామని.. మరో 24 ఐస్ఎస్ఎస్ దూరంగా వెళ్లిపోతున్నాయని పేర్కొన్నారు నాసా అధికారి జిమ్ బ్రిడెన్స్టైన్ తెలిపారు. వీటి నుంచే ఐఎస్ఎస్కు ముప్పు ఉండొచ్చని హెచ్చరించారు.
నాసా ఆందోళన....
మిషన్ శక్తి అనంతరం వెలువడిన వ్యర్థాలపై అమెరికా అంతరిక్ష పరిశోధన సంస్థ (నాసా) గతంలోనూ ఆందోళన వ్యక్తం చేసింది. సుమారు 400 శకలాలు అంతర్జాతీయ అంతరిక్ష కేంద్రానికి(ఐఎస్ఎస్) ప్రమాదమని.. భారత ప్రయోగాన్ని తప్పుబట్టింది. అయితే.. ఈ వ్యర్థాలతో అంతర్జాతీయ అంతరిక్ష కేంద్రానికి ఎలాంటి హాని ఉండదని.. కొద్ది రోజుల్లోనే శకలాలు విచ్ఛిన్నమవుతాయని స్పష్టం చేశారు డీఆర్డీవో ఛైర్మన్.
