పడవలో చెలరేగిన మంటలు... 33 మంది గల్లంతు!

అమెరికా కాలిఫోర్నియా తీరంలో ఓ వాణిజ్య పడవ అగ్నికి ఆహుతైంది. ఈ ఘటనలో 33 మంది గల్లంతయ్యారని అమెరికా తీర రక్షక దళం తెలిపింది.

అమెరికా కాలిఫోర్నియాలో ఘోర అగ్నిప్రమాదం సంభవించింది. దక్షిణ తీరంలోని శాంటాక్రూజ్​ దీవిలో ఓ ప్రయాణికుల పడవకు నిప్పుంటుకుంది. ఈ ఘటనలో 33 మంది గల్లంతయ్యారని అమెరికా తీర రక్షక దళం వెల్లడించింది.

తీరానికి 20 మీటర్ల దూరంలో స్కూబా డైవ్​ చేసే వాణిజ్య పడవలో మంటలు చెలరేగాయి. అయితే అప్రమత్తమైన కోస్ట్​ గార్డులు ఐదుగురిని మాత్రమే రక్షించగలిగారు. మిగితా 33 మంది ఆచూకీ తెలియలేదని తెలిపారు. పడవలో ఎంత మంది ఉన్నారనే అంశంపై స్పష్టత లేదన్నారు.

ప్రమాదానికి కారణాలు ఇంకా తెలియరాలేదని అధికారులు స్పష్టం చేశారు.

ఇదీ చూడండి: అమెరికాలో కాల్పుల కలకలం.. ఐదుగురు మృతి