జెఫ్ కూన్ కుందేలు
అమెరికా ప్రఖ్యాత కళాకారుడు రూపొందించిన ఉక్కు కుందేలు వేలంలో రికార్డు ధరకు అమ్ముడుపోయింది. న్యూయార్క్లో క్రిస్టీస్ నిర్వహించిన వేలంలో 91.1 మిలియన్ డాలర్లు (రూ. 638 కోట్లు) కుమ్మరించారు. జీవించి ఉన్న ఓ కళాకారుడి బొమ్మకు ఇంత ధర రావటం ఇదే మొదటిసారి.
వేలంలో పలికిన ధర 80 మిలియన్ డాలర్లే అయినా పన్నులు, ఇతరత్రా రుసుములు కలిపి 91.1 మిలియన్ డాలర్లకు చేరుతుంది. "ర్యాబిట్"ను కూన్ 1986లో తయారు చేశారు. అప్పట్లోనే ఈ కళాఖండాన్ని అనేక మంది మెచ్చుకున్నారు.