న్యూయార్క్​లో కరెంట్​ కట్- నెటిజన్ల ఫైర్​

అమెరికాలోని న్యూయార్క్ నగర వాసులు విద్యుత్​ అంతరాయం కారణంగా తీవ్ర ఇబ్బందులు పడ్డారు. మాన్​హట్టన్​ ప్రాంతంలో అకస్మాత్తుగా విద్యుత్ సరఫరా నిలిచిపోగా సబ్​వే స్టేషన్లు చీకటిమయం అయ్యాయి.

అమెరికా న్యూయార్క్​ నగరం విద్యుత్​ స్తంభించిపోయి అంధకారమయమైంది. మాన్​హట్టన్​ ప్రాంతంలో విద్యుత్ కోత కారణంగా 42వేల మంది ఇబ్బందిపడ్డారు. సబ్​వే స్టేషన్లు చీకటిలో మగ్గిపోయాయి. ఎలివేటర్లలో చిక్కుకున్న పలువురిని రక్షించారు అగ్నిమాపక సిబ్బంది. కోతకు కారణాలను ప్రభుత్వం ప్రకటించలేదు.

కరెంట్​ కట్​పై నగర పౌరులు ఆగ్రహం వ్యక్తం చేశారు. అంధకారంగా ఉన్న సబ్​వే స్టేషన్ల చిత్రాలను సామాజిక మాధ్యమాల్లో పోస్ట్ చేసి నిరసన వ్యక్తం చేశారు.

విద్యుత్ నియంత్రణ సంస్థ కాన్ ఎడిసన్ యుటిలిటి త్వరలో సరఫరాను పునరుద్ధరిస్తామని ప్రకటించింది. అంతరాయ సమయాల్లో... ప్రయాణాలకు సబ్​వే స్టేషన్లను ఎంచుకోవద్దని పౌరులకు సూచించింది.