బుల్​డాగ్​ అందాల పోటీలో విజేత 'బ్యూ'

అందమైన బుల్​డాగ్​ను ఎంపిక చేసేందుకు అమెరికా డ్రేక్ విశ్వవిద్యాలయంలో ప్రతి ఏడాది ఓ పోటీని నిర్వహిస్తున్నారు. ఈ సంవత్సరం పోటీల్లో 'బ్యూ' అనే శునకరాజం విజయం సాధించింది.

అమెరికాలోని డ్రేక్​ విశ్వవిద్యాలయం ఏటా ఓ వింత పోటీ నిర్వహిస్తుంటుంది. ఆ పోటీలు ఏమిటనుకుంటున్నారు? అందమైన పోటీలు... ఇందులో వింతేముంది అంటారా... ఆ పోటీలు ఎవరికనుకుంటున్నారు? శునకాలకు.

డ్రేక్ విశ్వవిద్యాలయంలో ఏటా బుల్​డాగ్​లకు అందాల పోటీలు నిర్వహిస్తుంటారు. ఈ సంవత్సరం పోటీల్లో డెస్ మోనీస్​ ప్రాంతానికి చెందిన 'బ్యూ' అనే శునకరాజం నేనే నంబర్ వన్ అంటూ ముందు నిలిచింది.

న్యాయనిర్ణేత నదియా వాలంటైన్... 'బ్యూ' తన అందమైన రూపంతో ఆకట్టుకునేలా ఉందని కితాబిచ్చారు. 3 వేల మంది వీక్షకుల మధ్య 'బ్యూ'కు కిరీటాన్ని ధరింపజేశారు నిర్వాహకులు.

ఈ శునకాల పోటీని డ్రేక్ విశ్వవిద్యాలయం నిర్వహించడం 40వ సారి.

ఇదీ చూడండి: గుర్​దాస్​పుర్​ నుంచి లోక్​సభ బరిలో సన్నీ