'ఆ దేశంతోనే అమెరికా భద్రతకు అతిపెద్ద ముప్పు'

రష్యాతో అమెరికా భద్రతకు ప్రమాదం పొంచి ఉందని డెమోక్రటిక్​ అధ్యక్ష అభ్యర్థి జో బైడెన్​ ఆరోపించారు. అయితే చైనా మాత్రం అమెరికాకు పెద్ద పోటీదారు అని పేర్కొన్నారు.

అమెరికా జాతీయ భద్రతకు రష్యాతో ముప్పు పొంచి ఉందని డెమోక్రటిక్​ అధ్యక్ష అభ్యర్థి జో బైడెన్​ వ్యాఖ్యానించారు. అదే సమయంలో అమెరికాకు అతిపెద్ద పోటీదారు చైనాయేనని అభిప్రాయపడ్డారు. ఓ వార్తా సంస్థకు ఇచ్చిన ఇంటర్వ్యూలో ఈ వ్యాఖ్యలు చేశారు బైడెన్​.

"నా వరకు.. అమెరికా భద్రతకు రష్యాతోనే ముప్పు. చైనా మనకు అతిపెద్ద పోటీదారు. అయితే ఈ పోటీపై మన వైఖరి బట్టే పరిస్థితులు దేనికి తారి తీస్తాయనేది తెలుస్తుంది."

--- జో బైడెన్​, డెమోక్రటిక్​ అధ్యక్ష అభ్యర్థి.

అధ్యక్ష ఎన్నికల చివరి సంవాదంలో భాగంగా.. రష్యా నుంచి బైడెన్​కు 3.5మిలియన్​ డాలర్లు అందినట్టు అధ్యక్షుడు డొనాల్డ్​ ట్రంప్​ ఆరోపించిన నేపథ్యంలో బైడెన్​ వ్యాఖ్యలు చర్చనీయాంశమయ్యాయి.

అయితే ట్రంప్​ ఆరోపణలను బైడెన్​ ఇప్పటికే ఖండించారు. విదేశాల నుంచి తాను చిల్లి గవ్వ కూడా పుచ్చుకోలేదని తేల్చిచెప్పారు.

ఇదీ చూడండి:-'ట్రంప్​.. భారత్​ గురించి మాట్లాడే తీరు ఇదేనా?'