అమెరికా తదుపరి అధ్యక్షుడిగా ప్రమాణం చేయనున్న జో బైడెన్ తన బృందంలో మరో ఇద్దరు భారతీయ అమెరికన్లకు స్థానం కల్పించారు. చాన్నాళ్లుగా తన అనుచరుడిగా ఉన్న భారతీయ అమెరికన్ వినయ్ రెడ్డిని ప్రసంగాల రచయితగా, మరో భారతీయ అమెరికన్ గౌతమ్ రాఘవన్ను ప్రెసిడెన్షియల్ పర్సనల్ కార్యాలయ డిప్యూటీ డైరెక్టర్గా నియమించారు.
ఇదీ చూడండి:శ్వేతసౌధంలో కీలక పదవికి భారతీయ అమెరికన్
గౌతమ్కు గతంలో శ్వేతసౌధంలో పనిచేసిన అనుభవం ఉంది. అధ్యక్షుడు బైడెన్, ఉపాధ్యక్షురాలు కమలా హ్యారిస్లు శ్వేతసౌధానికి సంబంధించి మరో నలుగురితో కలిసి వినయ్, గౌతమ్ల నియామకాలు చేపట్టారు. వినయ్ రెడ్డి బైడెన్-హ్యారిస్ ప్రచార బృందంలో సీనియర్ సలహాదారుగా, ప్రసంగాల రచయితగా వ్యవహరించారు. ఒబామా రెండో దఫా అధ్యక్షుడు అయిన సమయంలో ఉపాధ్యక్షుడిగా ఉన్న బైడెన్కు ముఖ్య ప్రసంగాల రచయితగా పనిచేశారు.