కుప్పకూలిన ఫుట్​బాల్​ క్రీడాకారుల విమానం.. ఐదుగురు మృతి

అమెరికా దక్షిణ లూసియానాలో ఓ మినీ విమానం ప్రమాదానికి గురైంది. ఈ ఘటనలో ఐదుగురు మృతి చెందగా.. మరొకరి పరిస్థితి విషమంగా ఉంది. ప్రమాద సమయంలో మొత్తం ఆరుగురు విహాంగంలో ఉన్నారు. కళాశాల ఫుట్​బాల్​ పోటీల్లో పాల్గొనేందుకు వెళుతున్న క్రమంలో ఈ ప్రమాదం జరిగింది. ఇందులో లుసియానా రాష్ట్ర విశ్వవిద్యాలయ ఫుట్​బాల్​ జట్టు కోఆర్డినేటర్​ కుమారుడు ఉన్నారు.

అమెరికాలోని దక్షిణ లూసియానాలో శనివారం ఘోర ప్రమాదం జరిగింది. ఫుట్​బాల్​ క్రీడాకారులతో వెలుతోన్న మినీ విహాంగం నగరంలోని పోస్టాఫీసు పరిసరాల్లో కుప్పుకూలింది. మంటలు చెలరేగి అక్కడ ఉన్న కారు, విమానం పూర్తిగా దగ్ధమయ్యాయి. ఈ దుర్ఘటనలో ఐదుగురు మృతి చెందారు. మరో నలుగురు తీవ్రంగా గాయపడ్డారు. క్షతగాత్రులను ఆసుపత్రికి తరలించారు. మరణించిన వారిలో ఇద్దరు పోస్టాఫీసు సిబ్బంది, ఒకరు రోడ్డుపై ఉన్న వ్యక్తి ఉన్నారు.

కళాశాల ఫుట్​బాల్​ పోటీలకు వెళ్తూ..

కళాశాల ఫుట్​బాల్​ పోటీల్లో పాల్గొనేందుకు లూసియానా నుంచి అట్లాంటాకు బయలుదేరిన క్రమంలో ఈ ప్రమాదం జరిగింది. మృతి చెందిన వారిలో లూసియానా స్టేట్​ యూనివర్సిటీ ఫుట్​బాల్​ టీం కోఆర్డినేటర్​ కుమారుడు స్టీవెన్​ ఎన్స్​మింగెర్​ జూనియర్​ ఉన్నారు. అట్లాంటలో ఎల్​ఎస్​యూ, ఓక్లాహోం జట్ల మధ్య పోటీ కోసం క్రీడాకారులు వెళుతున్నారు.