టైటానిక్ అవశేషాలు అతి త్వరలో కనుమరుగు!

1912లో 1500 మందితో సముద్రంలో మునిగిపోయిన టైటానిక్ ఓడ అవశేషాలు త్వరలో కనుమరుగయ్యే ప్రమాదం ఉందని శాస్త్రవేత్తలు హెచ్చరిస్తున్నారు. గత 14 ఏళ్లలో తొలిసారి ఓడ అవశేషాలను సందర్శించింది ఓ జలాంతర్గామి బృందం.

ప్రపంచంలో టైటానిక్​ అంటే తెలియనివారు ఉండరు. కెనడాలోని న్యూఫౌండ్​ల్యాండ్​కు దక్షిణాన 596 కి.మి దూరంలో ఈ ఓడ అవశేషాలను సందర్శించింది ఓ జలాంతర్గామి బృందం​. గత 14 ఏళ్లలో టైటానిక్​ శిథిలాల వద్దకు వెళ్లడం ఇదే తొలిసారి.

జలాంతర్గామి పైలట్ విక్టర్​ వెస్​కొవొ నేతృత్వంలోని బృందం ప్రత్యేక నౌకలో టైటానిక్​ను సందర్శించి అధ్యయనం చేసింది.​ దాని చుట్టూ పేరుకుపోయిన బ్యాక్టీరియాను సేకరించి పరిశోధనలు జరిపారు శాస్త్రవేత్తలు.

లోహాలను తినే సహజసిద్ధమైన ఈ బ్యాక్టీరియా వల్ల భవిష్యత్తులో టైటానిక్​ అవశేషాలు వేగంగా కనుమరుగైపోతాయని హెచ్చరిస్తున్నారు శాస్త్రజ్ఞులు.

టైటానిక్​ అవశేషాలను సందర్శించిన దృశ్యాలను వర్చువల్​ రియాలిటీ, ఆగ్​మెంటెడ్​ రియాలిటీ సాంకేతికతతో బంధించారు.

ఇంగ్లాండు లోని సాథాంప్టన్ నుంచి 1912 ఏప్రిల్ 10న టైటానిక్ ఓడ న్యూయార్క్ నగరానికి బయలుదేరి సముద్రం మధ్యలో మునిగిపోయింది. దాదాపు 1500మంది జలసమాధి అయ్యారు.

ఇదీ చూడండి : 'భాజపా ట్రబుల్​ షూటర్​గా జైట్లీ ముద్ర ప్రత్యేకం'

.