పూరీ జగన్నాథ్ దర్శకత్వంలో విజయ్ దేవరకొండ నటించిన చిత్రం 'లైగర్'. అనన్య పాండే కథానాయిక. కరణ్ జోహార్, చార్మి సంయుక్తంగా నిర్మించిన ఈ చిత్రం ఆగస్టు 25న ప్రేక్షకుల ముందుకు రాబోతుంది. ఈ నేపథ్యంలోనే ప్రచారంలో భాగంగా విడుదల చేసిన ఈ సినిమాలోని 'అక్డీ పక్డీ' సాంగ్ ఒక ఊపు ఊపేస్తుంది. పాటలోని మాస్ బీట్కు.. విజయ్ ఆట అదిరింది.
అయితే 'అక్డీ పక్డీ' పాటకు డ్యాన్స్ చేసేటప్పుడు జరిగిన ఓ ఆసక్తిక విషయాన్ని ట్విట్టర్ వేదికగా.. పంచుకున్నాడు విజయ్. 'అక్డీ పక్డీ' కొరియోగ్రఫీ చూసినప్పుడు తాను ఏడ్చేశానని చెప్పుకొచ్చాడు విజయ్ దేవరకొండ. కానీ.. షూటింగ్లో మాత్రం.. డ్యాన్స్ ఇరగదీశానని వివరించాడు. నిజానికి ఈ పాటలో అనన్యపాండేతో కలిసి విజయ్.. స్పీడ్ డ్యాన్స్లో అదరగొట్టాడు.