Vijay Devarakonda Lokesh Kangaraj: ఖైదీ, విక్రమ్ సినిమాల‌తో డైరెక్టర్గా త‌న‌కంటూ ప్ర‌త్యేక‌మైన స్థానాన్ని సంపాదించుకున్నారు లోకేష్ కనకరాజ్. రెగ్యుల‌ర్ ఫార్మెట్స్‌కు భిన్నంగా త‌న సినిమాల్లో హీరోల‌ను వినూత్న రీతిలో చూపిస్తూ విజ‌యాల్ని అందుకుంటున్నారు. క‌మ‌ల్‌హాస‌న్ హీరోగా లోకేష్ కనకరాజ్ ద‌ర్శ‌క‌త్వంలో రూపొందిన 'విక్రమ్' సినిమా అత్య‌ధిక క‌లెక్ష‌న్స్ సాధించి సూపర్హిట్ చిత్రాల్లో ఒక‌టిగా నిలిచింది. విక్రమ్ స‌క్సెస్ త‌ర్వాత లోకేష్ కనకరాజ్తో సినిమాలు చేసేందుకు పలువురు టాలీవుడ్‌, కోలీవుడ్ హీరోలు ఆస‌క్తి చూపుతున్నారు.
తాజాగా ఈ లిస్ట్‌లోకి విజ‌య్ దేవరకొండ చేరిపోయారు. విజ‌య్ హీరోగా న‌టించిన 'లైగర్' సినిమా ఆగ‌స్టు 25న రిలీజ్ కానున్న నేపథ్యంలో ప్ర‌మోష‌న్స్ కోసం దేశంలోని ప్ర‌ధాన న‌గ‌రాల్లో చిత్రబృందం ప‌ర్య‌టిస్తోంది. శ‌నివారం చెన్నైలో జరిగిన 'లైగర్' సినిమా ఈవెంట్లో.. లోకేష్ కనకరాజ్ సినిమాల‌కు తాను వీరాభిమాన‌ని విజ‌య్ దేవరకొండ తెలిపారు. ఆయన సినిమాటిక్ యూనివ‌ర్స్లో ఏదో ఒక రోజు తాను కూడా భాగం అవుతాన‌నే న‌మ్మ‌క‌ముంద‌ని అన్నారు. భవిష్యత్తులో ఆయన నుంచి పిలుపు వస్తుందని అనుకుంటున్నట్లు తెలిపారు. లోకేష్ కనకరాజ్తో పాటు తమిళంలో పా రంజిత్‌, వెట్రిమార‌న్ సినిమాలంటే ఇష్టమని చెప్పారు.