Vijay Antony Hatya Trailer: తమిళంతో పాటు తెలుగులోనూ మంచి గుర్తింపు తెచ్చుకున్న నటుడు విజయ్ ఆంటోని. ఆయన నటించిన ప్రతి సినిమా తెలుగులోనూ విడుదలవుతూ ఉంటుంది. తాజాగా బాలాజీ కె.కుమార్‌ దర్శకత్వంలో విజయ్ ఆంటోని నటించిన తమిళ చిత్రం 'కోలాయ్‌'. తెలుగులో 'హత్య' పేరుతో విడుదల చేస్తున్నారు. ఈ క్రమంలో సోమవారం చిత్ర ట్రైలర్‌ను విడుదల చేశారు. లైలా అనే ఇండియన్‌ సెలబ్రిటీ మోడల్‌ హత్యకు గురవుతుంది. ఆ హత్య కేసును విజయ్ ఆంటోని, అతని బృందం ఎలా ఛేదించింది?వారికి ఎలాంటి పరిస్థితులు ఎదురయ్యాయి? అనే అంశాల చుట్టూ ఉత్కంఠగా కథను అల్లుకున్నాడు దర్శకుడు బాలాజీ. మరి ఇంతకీ ఆ హత్య చేసింది ఎవరు? చూసింది ఎవరు? తెలియాలంటే సినిమా చూడాల్సిందే!
Ranga Ranga Vaibhavanga Release Date fix: వైష్ణవ్ తేజ్ హీరోగా 'రంగ రంగ వైభవంగా' సినిమా రూపొందింది. బీవీఎస్ఎన్ ప్రసాద్ నిర్మించిన ఈ సినిమాకి గిరీశాయ దర్శకత్వం వహించారు. కేతిక శర్మ హీరోయిన్గా నటించిన ఈ సినిమాను సెప్టెంబర్ 2వ తేదీని విడుదల చేయనున్నట్లు చిత్ర యూనిట్ సోమవారం వెల్లడించింది.
'అహం' అనే ఓ కొత్త పాయింట్ను టచ్ చేస్తూ సినిమాలోని లవ్ స్టోరీ కొనసాగుతుందని సమాచారం. అయితే ఎవరి అహంభావం చుట్టూ ఈ కథ తిరుగుతుంది? దాని పరిణామాలు ఎలా ఉంటాయి? అనేది సస్పెన్స్. దేవిశ్రీ ప్రసాద్ ఈ సినిమాకు బాణీలు సమకూర్చారు. హీరో పవన్ కల్యాణ్ పుట్టినరోజున ఈ సినిమా రిలీజ్ అవుతుండడం వల్ల మెగా ఫ్యాన్స్ ఖుషీగా ఉన్నారు.