డిఫరెంట్ కాన్సెప్ట్ కథలతో తరచూ ఆడియెన్స్ను అలరిస్తుంటారు దర్శకుడు విఘ్నేశ్ శివన్. అలా అటు కోలీవుడ్లో ఇటు టాలీవుడ్లో తనకంటూ ప్రత్యేకమైన క్రేజ్ సంపాదించుకున్నారు. గతేడాది విడుదలైన కాతువాకుల రెండు కాదల్‌తో ప్రేక్షకులకు ఫుల్ ఎంటర్టైన్మెంట్ ఇచ్చారు విఘ్నేశ్. అనంతరం తన తదుపరి చిత్రాన్ని స్టార్‌ హీరో అజిత్‌తో AK 62 చేస్తున్నట్లు కొంత కాలం క్రితం ప్రకటించి సర్ప్రైజ్ ఇచ్చారు. లైకా ప్రొడెక్షన్స్‌ దీనిని నిర్మించేందుకు రెడీ అయింది. అయితే ఆ తర్వాత నిర్మాణ సంస్థ-హీరో-డైరెక్టర్ మధ్య విభేధాలు రావడంతో ఈ సినిమా పట్టాలెక్కలేదు. ఆ చిత్రం నుంచి విఘ్నేశ్ వైదొలిగారు. ఈ క్రమంలోనే తన ట్విటర్‌ బయో నుంచి AK 62 అనే పేరును తీసేసి ఫ్యాన్స్కు షాక్ ఇచ్చారు.
అయితే తాజాగా విఘ్నేశ్ శివన్ ఇప్పుడు తన కొత్త సినిమాపై దృష్టిపెట్టినట్లు తెలుస్తోంది. మళ్లీ విజయ్ సేతుపతితో కలిసి ఓ సినిమాను తెరకెక్కించేందుకు సిద్ధమవుతున్నట్లు సమాచారం. ఇప్పటికి విజయ్ను సంప్రదించారట. చర్చలు జరుగుతున్నాయట. ఈ మూవీ కోసం మ్యూజిక్ డైరెక్టర్ అనిరూథ్ను కూడా సంప్రదించారని తెలిసింది. అలా ఈ ముగ్గురు మధ్య డిస్కషన్స్ జరుగుతున్నాయట. అయితే ఈ సారి రొమాంటిక్ అండ్ లవ్ కాకుండా యాక్షన్ కథలో రానున్నట్లు తెలుస్తోంది. విజయ్ కూడా నటించేందుకు గ్రీన్ సిగ్నల్ ఇచ్చినట్లు తెలుస్తోంది. త్వరలోనే అధికార ప్రకటన వచ్చే అవకాశం కనిపిస్తోంది. దీంతో ఈ విషయం తెలిసిన అభిమానులు, సినీ ప్రియులు సోషల్మీడియాలో సంబరపడిపోతూ ట్రెండ్ చేస్తున్నారు.