Upcoming Telugu Movies August : ప్రేక్షకులంతా ప్రతి వారం.. కొత్త సినిమాల కోసం ఎదురుచూస్తుంటారు. ఈ వారం.. ప్రేక్షకుల ముందుకు మూడు కొత్త సినిమాలు వస్తున్నాయి. అందులో రెండు పెద్ద సినిమాలు కాగా.. మరొకటి చిన్న సినిమా రిలీజ్ కానుంది. మెగాస్టార్ చిరంజీవి, సూపర్ స్టార్ రజనీకాంత్ చిత్రాలు విడుదలకు సిద్ధమయ్యాయి. వీటితో పాటు శ్రీసింహ కోడూరి నటించిన చిత్రం కూడా ప్రేక్షకుల ముందుకు రానుంది.
పాత రజనీని చూడబోతున్నామా?
Jailer Movie Release Date :సూపర్ స్టార్ రజనీకాంత్ కథానాయకుడిగా.. నెల్సన్ దిలీప్ కుమార్ రూపొందించిన చిత్రం జైలర్. తమన్నా కథానాయికగా నటించగా.. ప్రముఖ నటులు మోహన్‌లాల్‌, శివ రాజ్‌కుమార్‌, జాకీ ష్రాఫ్‌, రమ్యకృష్ణ, సునీల్‌ కీలక పాత్రలు పోషించారు. అన్ని కార్యక్రమాలు పూర్తి చేసుకున్న ఈ సినిమా ఆగస్టు 10న ప్రేక్షకుల ముందుకు రానుంది. అనిరుధ్‌ రవిచంద్రన్‌ అందించిన నేపథ్య సంగీతం ప్రచార చిత్రాన్ని ఓ రేంజ్‌లో ఎలివేట్‌ చేసింది. ఇందులో రజనీకాంత్ స్టైల్‌, యాక్షన్‌ ఎపిసోడ్స్‌ చూస్తుంటే పాత రజనీని గుర్తు చేస్తున్నాయి. మరి జైలర్ కథేంటో తెలియాంటే సినిమా చూడాల్సిందే!
భోళాజీ.. రెడీ!
BholaShankar Movie Release Date : ఈ ఏడాది సంక్రాంతికి వాల్తేరు వీరయ్యగా ప్రేక్షకుల ముందుకు వచ్చిన మెగాస్టార్ చిరంజీవి.. ఇప్పుడు భోళాశంకర్గా సందడి చేసేందుకు సిద్ధమయ్యారు. ఆయన హీరోగా నటించిన ఈ మూవీని మెహర్ రమేశ్ తెరకెక్కించారు. తమన్నా హీరోయిన్గా నటించగా.. కీర్తి సురేశ్, సుశాంత్‌ తదితరులు కీలక పాత్రలు పోషించారు. ఈ సినిమా ఆగస్టు 11న థియేటర్లలోకి రానుంది. ఇటీవల విడుదల చేసిన ప్రచార చిత్రాలు సినిమాపై అంచనాలను పెంచాయి. మాస్‌ యాక్షన్‌ ఎంటర్‌టైనర్‌గా ముస్తాబైన ఈ చిత్రంలో చిరు స్టైలిష్‌ లుక్‌లో కనిపించనున్నారు.
ఆకాశ ప్రయాణానికి ఉస్తాద్!
Ustaad Movie Release Date:ఆస్కార్ మ్యూజిక్ డైరెక్టర్ కీరవాణి తనయుడు శ్రీసింహా హీరోగా ఫణిదీప్‌ తెరకెక్కించిన చిత్రం ఉస్తాద్. రజనీ కొర్రపాటి, రాకేష్‌ రెడ్డి గడ్డం, హిమాంక్‌ రెడ్డి దువ్వూరు నిర్మించారు. కావ్యా కల్యాణ్‌రామ్‌ కథానాయిక. గౌతమ్‌ మేనన్‌, రవీంద్ర విజయ్‌ తదితరులు కీలక పాత్రలు పోషించారు. ఆగస్టు 12న ఈ చిత్రం థియేటర్‌లలో విడుదల కానుంది. ఈ సినిమాలో శ్రీసింహా మూడు భిన్నమైన లుక్స్‌లో కనిపించనున్నారు.
సన్నీ దేవోల్ X అక్షయ్ కుమార్
Bollywood New Movies : ప్రముఖ బాలీవుడ్‌ నటుడు సన్నీ దేవోల్ ప్రధాన పాత్రలో నటిస్తున్న చిత్రం గదర్‌ 2. ఇందులో ఆయన తారా సింగ్‌ పాత్రలో నటిస్తున్నారు. సకీనాగా అమీషా పటేల్‌ నటిస్తోన్న ఈ చిత్రానికి అనిల్‌ శర్మ దర్శకత్వం వహిస్తున్నారు. స్వాతంత్య్ర దినోత్సవం సందర్భంగా ఆగస్టు 11న విడుదల చేయనున్నారు.