Teja Sajja Hanuman Stunts: 'హనుమాన్' సినిమాతో బ్లాక్బస్టర్ హిట్ ఖాతాలో వేసుకున్నారు యంగ్ హీరో తేజ సజ్జ. జనవరి 12న రిలీజైన ఈ మూవీ పాన్ఇండియా లెవెల్లో ప్రేక్షకులను ఆకట్టుకుంటోంది. డైరెక్టర్ ప్రశాంత్ వర్మ క్రియేట్ చేసిన విజువల్ వండర్స్కు ఆడియెన్స్ ఫిదా అవుతున్నారు. అయితే హైదరాబాద్‌లో రీసెంట్గా హీరో తేజ మీడియాతో సినిమా మాట్లాడారు. ఈ సెషన్లో మూవీ గురించి పలు విషయాలు షేర్ చేసుకున్నారు. అవేంటో తెలుసుకుందాం.
- యాక్షన్ సీన్స్లో ఛాలెంజింగ్గా అనిపించిన అంశాలు? ఈ సినిమా జర్నీలో నేర్చుకున్నది ఏమిటి?
'ఓపికగా ఉండటం నేర్చుకున్నా. నా పని ఛాలెంజ్లు స్వీకరించడం. అందుకే దేనిని కూడా సవాల్ అని అనుకోలేదు. వచ్చిన ఛాన్స్ను నిలబెట్టుకోవాలి. ఈ సినిమాలో చేసిన యాక్షన్ సీన్స్ అన్నీ ఒరిజినల్. అండర్‌ వాటర్‌ సీక్వెన్స్‌, క్లైమాక్స్‌లో హనుమంతుల వారు వస్తున్నప్పుడు నేను గాల్లో ఉండే సీక్వెన్స్‌ ఏదీ డూప్ చేయలేదు. ముఖ్యంగా ఆ సీన్లో గాల్లో ఉండే సీక్వెన్స్‌ కోసం ఐదు రోజులు చాలా కష్టపడ్డాం. సినిమాలో కనిపించే హనుమాన్ విగ్రహం షాట్‌ను గ్రాఫిక్స్‌ చేయడానికి ఆరు నెలల సమయం పట్టింది'.
- మూవీలో హనుమాన్ పాత్రను మెగాస్టార్ను దృష్టిలో పెట్టుకునే చేశారా?
'చిరంజీవి సర్‌కి హనుమాన్ గురించి, డైరెక్టర్ ప్రశాంత్ వర్మ ఉద్దేశం గురించి ముందు నుంచే తెలుసు. అయితే గ్రాఫిక్స్‌ చేస్తున్నప్పుడు కొన్ని లేయర్స్‌లో లుక్‌ను మ్యాచ్‌ చేయడం ఇబ్బందిగా మారింది. ఆ తర్వాత జరిగిన విషయం చిరు సర్‌కు తెలుసు. హనుమాన్ సినిమా విషయంలో ఆయన చాలా హ్యాపీగా ఉన్నారు. సినిమా రిలీజ్ అయ్యాక 'కంగ్రాట్స్‌ మై బాయ్‌' అని విష్ చేస్తూ మెసేజ్ చేశారు'.
- హనుమాన్ కోసం రెండేళ్లు కష్టపడ్డారు. మరో సినిమా సైన్ చేయలేదు. అంత నమ్మకం ఏంటి?