Chiranjeevi Siddu Jonnalagadda Movie : 'డీజే టిల్లు'తో సూపర్ క్రేజ్ సంపాదించుకున్న సిద్ధు జొన్నలగడ్డ.. ప్రస్తుతం ఆ సినిమా విజయంతో ఫుల్ జోష్లో ఉన్న సంగతి తెలిసిందే. ఈ చిత్రం హిట్తో ఈ హీరోకు టాలీవుడ్లో మంచి బ్రేక్ వచ్చింది. 'గుంటూరు టాకీస్‌', 'కృష్ణ అండ్‌ హీస్‌ లీలా', 'మా వింతగాథ వినుమా' వంటి చిత్రాలతో కాస్త గుర్తింపు పొందిన సిద్ధు.. ఆ తర్వాత 'డీజే టిల్లు'తో భారీ హిట్ను అందుకుని క్రేజ్ను దక్కించుకున్నాడు. యూత్లో ఫుల్ ఫ్యాన్ ఫాలోయింగ్ను సంపాదించుకున్నాడు.
ఈ క్రమంలోనే సిద్ధు.. మెగాస్టార్ చిరంజీవి నటించనున్న కొత్త సినిమాలో నటించే ఛాన్స్ అందుకున్నాడని వార్తలు వచ్చాయి. 'బంగార్రాజు' ఫేమ్ దర్శకుడు కళ్యాణ్ కృష్ణ ఈ సినిమాను తెరకెక్కిస్తున్నారు. 'బంగార్రాజు' లాంటి హిట్ చిత్రం తర్వాత ఈ సినిమా తెరకెక్కనుండటం, అందులోనూ మెగాస్టార్ కూడా ఈ సినిమాలో రోల్ చేస్తుండటం వల్ల.. ఈ చిత్రంపై అభిమానుల్లో మంచి అంచనాలే నెలకొన్నాయి. ఈ మూవీలో చిరు కొడుకు పాత్రలో సిద్ధు నటించనున్నాడని అంతా అన్నారు కూడా. అంతే కాకుండా ఈ సినిమాలో నటించేందకు సిద్ధు ఏకంగా రూ.4 కోట్ల రెమ్యునరేషన్ కూడా అందుకోబోతున్నాడన్న ప్రచారం కూడా జోరుగా సాగింది.