Siddhu Jonnagadda New Movie :అల మొదలైంది, జబర్దస్త్, కల్యాణ వైభోగమే, ఓ బేబీ, పిట్ట కథలు వంటి చిత్రాలు మంచి గుర్తింపు తెచ్చుకున్న దర్శకురాలు నందిని రెడ్డి. ప్రస్తుతం ఈమె డీజే టిల్లు ఫేమ్ సిద్ధు జొన్నల్ల గడ్డతో ఓ సినిమా చేయబోతున్నారని గత కొద్ది రోజులుగా జోరుగా ప్రచారం సాగుతోంది. అయితే తాజాగా మరో ఇంట్రెస్టింగ్ అప్డేట్ బయటకు వచ్చింది.
ఈ సినిమాను సూపర్ నేచురల్ టచ్తో తెరకెక్కించబోతున్నారట. వచ్చే ఏడాది ప్రధమార్థంలో సినిమాను సెట్స్పైకి తీసుకెళ్లాలని నందిని రెడ్డి భావిస్తున్నారట. సినిమాను సెట్స్పైకి తీసుకెళ్లిన నాలుగు నెలల్లలోనే పూర్తి చేయాలని ఆమె టార్గెట్ పెట్టుకున్నట్లు టాక్ వినిపిస్తోంది. మొత్తం చిత్రీకరణను హైదరాబాద్లోనే చేయబోతున్నారని తెలిసింది. సినిమా అవుట్ అండ్ అవుట్ ఎంటర్టైనర్గా పక్కా ఫ్యామిలీ ఎంటర్టైనర్గా రానుందని అంటున్నారు. సినిమా సూపర్ నేచురల్ టచ్తో రూపొందిస్తున్నారట.
కాగా, ఈ సినిమాలో మొదట హీరోయిన్గా సమంతను తీసుకోబోతున్నట్లు ఆ మధ్య ప్రచారం సాగింది. ఆ తర్వాత ఆమె చేయట్లేదని కూడా వార్తలు వచ్చాయి. దీంతో నందిని రెడ్డి మరో కొత్త హీరోయిన్ను ఇండస్ట్రీకి పరిచయం చేయాలని నందిని రెడ్డి అనుకుంటున్నారట. ప్రస్తుతం కొత్త హీరోయిన్ కోసం వెతికే పనిలో ఉన్నారని తెలిసింది. ఇకపోతే నందినిరెడ్డికి 2019లో ఓ బేబీ సినిమా తర్వాత సరైన సక్సెస్ దక్కలేదు. ఆ తర్వాత ఈమె చేసిన పిట్ట కథలు, అన్ని మంచి శకునములే(2023) చిత్రాలు అంతగా ఆడలేదు. చూడాలి మరి ఇప్పుడు ఈ కొత్త సినిమా ఎంత వరకు ఆడియెన్స్ను ఆకట్టుకుంటుందో..