Salman khan: బాలీవుడ్ కండలవీరుడు సల్మాన్ ఖాన్, అనిల్ కపూర్, ఫర్దీన్ ఖాన్ కలిసి నటించిన కామెడీ చిత్రం 'నో ఎంట్రీ'.. అప్పట్లో ఘనవిజయం సాధించింది. 2002లో వచ్చిన ఈ సినిమా.. ప్రేక్షకులను పొట్ట చెక్కలయ్యేలా నవ్వించింది. ఇప్పటికీ టీవీలో వచ్చినా అదే స్థాయిలో అలరిస్తూ ఉంటుంది. అందుకే ఈ సినిమా సీక్వెల్పై సల్మాన్ ఫ్యాన్స్ సహా సాధారణ ప్రేక్షకుల్లోనూ విపరీతమైన ఆసక్తి ఏర్పడింది.
తొలుత ఈ సినిమాకు సీక్వెల్గా 'నో ఎంట్రీ మే ఎంట్రీ' వస్తుందనే వార్తలను మేకర్స్ ఖండించినా.. అనంతరం ఉంటుందని స్పష్టంచేశారు. దీంతో అభిమానుల ఆనందానికి అవధులు లేకుండా పోయాయి. అయితే వారిని మరింత ఆశ్చర్యానికి గురిచేసే ఓ అప్డేట్ ప్రస్తుతం మీడియాలో చక్కర్లు కొడుతోంది. ఈ సినిమాలో సల్మాన్ త్రిపాత్రాభినయం చేయనున్నట్లు సమాచారం. దాంతో పాటే సినిమాలో 10 మంది హీరోయిన్లు నటించనున్నట్లు తెలుస్తోంది.