Salman Khan Mythri Movies : బాలీవుడ్ కండల వీరుడు సల్మాన్ ఖాన్.. తాజాగా తన సొంత బ్యానర్పై ఓ సినిమా రూపొందించేందుకు సిద్ధమయ్యారు. ఈ సినిమాతో సల్మాన్ మేన కోడలు అలిజే అగ్నిహోత్రి తెరంగేట్రం చేస్తున్నారు. అయితే ఈ చిత్రాన్ని ఆయన.. మైత్రీ మూవీస్ మేకర్స్తో సల్మాన్ ఖాన్ ఫిల్మ్స్ బ్యానర్పై సంయుక్తంగా నిర్మిస్తున్నారు. "నేను ఈ 'ఎఫ్' పదం గురించి మాట్లాడాను. మీరేం అనుకున్నారు. #FarreyTeaser ఈజ్ అవుట్ !" అంటూ సినిమాకు సంబంధించిన టీజర్ అప్డేట్ను ఆయన నెట్టింట షేర్ చేశారు. ప్రస్తుతం ఈ వీడియో సోషల్ మీడియాలో తెగ ట్రెండ్ అవుతోంది.
ఇక సల్మాన్ సినిమాల విషయానికొస్తే..ఆయన లీడ్ రోల్లోటైగర్ 3 తెరకెక్కుతున్న విషయం తెలిసిందే. అయితే కొన్ని రోజుల నుంచి ఆయన రేంజ్కు తగ్గ హిట్ లేకపోవడం వల్ల సల్మాన్ ఫ్యాన్స్.. ఈ సినిమా గురించి ఆత్రుతగా ఎదురుచూస్తున్నారు. అలాగే ఈ సినిమా పక్కా ఇండస్ట్రీ అవుతుందంటూ ఆయన ఫ్యాన్స్ ధీమా వ్యక్తం చేస్తున్నారు. ఇక యశ్ రాజ్ బ్యానర్పై రూపొందుతున్న టైగర్ 3.. నవంబర్ 10న ప్రపంచవ్యాప్తంగా థియేటర్లలో విడుదల కానుంది. ఈ క్రమంలో సెప్టెంబర్ 27న ఈ సినిమా టీజర్ను రిలీజ్ చేయడానికి మూవీటీమ్ సన్నాహాలు చేస్తున్నట్లు తెలుస్తోంది. ఇక ఈ సినిమాలో సల్మాన్ ఖాన్కు జోడీగా బాలీవుడ్ బ్యూటీ కత్రినా కైఫ్ నటిస్తున్నారు. అలాగే నటులు ఇమ్రాన్ హష్మి, విశాల్ జిత్వా, అభినవ్ రాజ్ సింగ్, అషుతోశ్ రానా తదితరులు కీలక పాత్రలు పోషి్స్తున్నారు.