Salaar Release Trailer Telugu :పాన్ ఇండియా స్టార్ ప్రభాస్ హీరోగా ప్రశాంత్ నీల్ దర్శకత్వంలో తెరకెక్కిన సినిమా 'సలార్'. డిసెంబర్ 22వ తేదీన ఈ సినిమా థియేటర్లలోకి రానుంది. అంటే ఇంకా వారం రోజులు కూడా లేదన్న మాట. ఈ నేపథ్యంలో మూవీటీమ్ ప్రమోషన్స్ జోరు పెంచింది. ప్రభాస్, ప్రశాంత్ నీల్, సినిమాలో విలన్‌గా నటించిన పృథ్వీరాజ్ సుకుమారన్‌లను దర్శక ధీరుడు ఎస్ఎస్ రాజమౌళి ఇంటర్వ్యూ చేశారు. దీనికి సంబంధించిన ప్రోమోను మేకర్స్ ఇటీవలే విడుదల చేశారు. తాజాగా రిలీజ్ ట్రైలర్ పేరుతో మరో వీడియోను విడుదల చేశారు. పూర్తిగా వైలెన్స్తో కూడిన ఈ ట్రైలర్ను మీరు చూశారా?
ఈ ట్రైలర్లో పూర్తిగా హీరో ప్రభాస్, పృథ్వీరాజ్ను చూపించారు. తొలి ట్రైలర్ కంటే మరింత వైలెన్స్తో ప్రభాస్కు ఎలివేషన్స్ ఇచ్చారు. ఈ వీడియోలో ప్రభాస్ డైలాగ్స్ ఫ్యాన్స్ను విపరీతంగా ఆకట్టుకుంటున్నాయి. 'ఖాన్సార్ ఎరుపెక్కాలా' అనేే డైలాగ్ గూస్బంప్స్ తెప్పిస్తోంది. ఇక హీరోయిన్ శ్రుతి హాసన్కు కూడా ఈ వీడియోలో స్క్రీన్ టైమ్ ఇచ్చారు. ఇక మొత్తంగా ఫైనల్ టచ్ అదిరిపోయిందంటూ డార్లింగ్ ఫ్యాన్స్ సంబరాలు చేసుకుంటున్నారు. డిసెంబర్ 22న థియేటర్లలో మాస్ జాతరే అంటున్నారు.
జోరుగా ప్రమోషన్లు!:మరోవైపు భారీ అంచనాల మధ్య విడుదల కానున్న సలార్ ప్రమోషన్లు కూడా జోరుగా సాగుతున్నాయి. చిత్రబృందం అంచనాలను మరింత పెంచడానికే ట్రై చేస్తుంది. ఈ సినిమా గురించి ఒక ఇంటర్వ్యూలో పృథ్వీరాజ్ సుకుమారన్ గేమ్ ఆఫ్ థ్రోన్స్ తరహాలో సలార్ ఉండనుందని చెప్పారు. ఇందులో క్యారెక్టర్ డైనమిక్స్ చాలా అద్భుతంగా ఉండనున్నాయని తెలిపారు. సలార్లో భారీ యాక్షన్ సన్నివేశాలు ఉన్నాయని పేర్కొన్నారు.