రూ.200కోట్లకు సలార్​ ఓటీటీ రైట్స్​! శౌర్యాంగ పర్వం కోసం ఇక ఫ్యాన్స్​ వెయిటింగ్​!

Salaar OTT Rights : రెబల్​ స్టార్​ ప్రభాస్​ లీడ్​ రోల్​లో తెరకెక్కిన లేటేస్ట్ మూవీ 'సలార్​'. పాన్ ఇండియా లెవెల్​లో విడుదలైన ఈ మూవీ ప్రస్తుతం పాజిటివ్​ టాక్ అందుకుని దూసుకెళ్తోంది. అయితే ఈ మూవీ డిజిటల్​ రైట్స్​ను ఓ ప్రముఖ సంస్థ భారీ ధరకు కొనుగోలు చేసిందట. ఆ విశేషాలు మీ కోసం

Salaar OTT Rights :'బాహుబలి' సినిమాతో అంతర్జాతీయ స్థాయిలో ఫ్యాన్​ ఫాలోయింగ్ సంపాదించుకున్నారు రెబల్ స్టార్ ప్రభాస్​. తాజాగా ఈయన ప్రశాంత్​ నీల్​ తెరకెక్కించిన 'సలార్' సినిమాలో నటించారు. భారీ అంచనాల నడుమ శుక్రవారం ఈ సినిమా ప్రపంచవ్యాప్తంగా విడుదలైంది. ఇప్పటికే ప్రీమియర్స్​, బెనిఫిట్​ షోలతో థియేటర్లు మార్మోగిపోతున్నాయి. ఈ చిత్రం అంతటా పాజిటివ్​ టాక్ అందుకుని దూసుకెళ్తోంది. దీంతో ప్రభాస్​ ఫ్యాన్స్​తో పాటు ప్రేక్షకులు సైతం ఈ సినిమా చూసేందుకు బారులుతీరున్నారు. నెట్టింట రివ్యూలతో ట్రెండ్ చేస్తున్నారు.

Salaar Satellite Rights :మరోవైపు తాజాగా ఈ సినిమా డిజిటల్ స్ట్రీమింగ్ హక్కులు కుడా భారీ ధరకు అమ్ముడుపోయయని సమాచారం. ప్రముఖ ఓటీటీ వేదిక నెట్‌ఫ్లిక్స్ దీన్ని సుమారు రూ.200 కోట్లకు సొంతం చేసుకుందని టాక్​ నడుస్తోంది. తెలుగుతో పాటు హిందీ, కన్నడ, మలయాళ, తమిళ భాషల్లో ఈ సినిమాను గ్రాండ్ స్కేల్​లో విడుదల చేయనున్నారు. ఇక ఈ సినిమా శాటిలైట్ రైట్స్​ను ప్రముఖ టెలివిజన్ నెట్​వర్క్​ 'స్టార్ మా' సొంతం చేసుకుంది. ఓటీటీలో ఈ సినిమా విడుదలైన తర్వాత బుల్లితెరపై ఈ చిత్రం టెలికాస్ట్ కానుంది.

దేవా - వరద వైరం - శౌర్యాంగ పర్వం
Salaar Part 2 Title :మరోవైపు సలార్ సినిమా క్లైమాక్స్ కంప్లీట్ అయ్యాకా, ఎండ్ క్రెడిట్స్​కు ముందు ఓ అదిరిపోయే సర్​ప్రైజ్​ను ప్లాన్​ చేశారు డైరెక్టర్​ నీల్​. అందులో ఆయన ఈ సినిమాకు సీక్వెల్​ను ఉన్నట్లు అఫీషియల్​గా ప్రకటించారు. దీంతో 'సలార్ పార్ట్ 2'ను 'శౌర్యాంగ పర్వం'గా నామకరణం చేశారు. ఇందులో ప్రభాస్-పృథ్వీల మధ్య ఉన్న స్నేహం వైరంగా ఎలా మారిందనే పాయింట్​ చుట్టూ కథ తిరిగేలా ఉందని ఫ్యాన్స్ అంటున్నారు. అయితే ఈ మూవీ గురించి మరింత సమాచారాన్ని ఆయన వెల్లడించలేదు. దీంతో దీనిపై అఫీషియల్​ అనౌన్స్​మెంట్​ ఎప్పుడొస్తుందా అంటూ ఫ్యాన్స్ ఆతృతగా ఎదురుచూస్తున్నారు. మేకర్స్​ కూడా త్వరలోనే రివీల్​ చేసేందుకు ప్లాన్ చేస్తున్నట్లు సమాచారం.