Salaar English Version : పాన్ ఇండియా స్టార్ ప్రభాస్ వరుస సినిమాలతో బిజీగా ఉన్నారు. ఇటీవల ఆయన నటించిన ఆదిపురుష్ సినిమా ప్రేక్షకుల ముందుకురాగా.. అంతగా ఆకట్టుకోలేకపోయింది. దీంతో డార్లింగ్ అభిమానులు.. సలార్ మూవీ కోసం ఎంతగానో ఎదురుచూస్తున్నారు. అయితే సలార్ సినిమాను భారతీయ భాష‌ల‌తో పాటు ఇంగ్లీష్‌లోనూ రిలీజ్ చేసేందుకు మేకర్స్ స‌న్నాహాలు చేస్తున్నారు.
ప్రపంచ సినీ అభిమానులను దృష్టిలో పెట్టుకొని సలార్ ఇంగ్లీష్ వెర్ష‌న్‌ను మేకర్స్.. హాలీవుడ్ సినిమాల‌కు ధీటుగా సిద్ధం చేస్తున్న‌ట్లు ప్ర‌చారం జ‌రుగుతోంది. సౌండ్ మేకింగ్‌, డ‌బ్బింగ్ విష‌యంలో కూడా స్పెష‌ల్ కేర్ తీసుకుంటున్న‌ారట. అంతేకాకుండా ఇంగ్లీష్ వెర్షన్ కోసం కొత్త రిలీజ్ డేట్‌ను కూడా అనౌన్స్‌చేసే ఆలోచ‌న‌లో సినిమా యూనిట్ ఉన్న‌ట్లు సమాచారం.
Salaar English Version Release Date : భారతీయ భాషల్లో విడుదల అయిన రెండు వారాల త‌ర్వాత ఇంగ్లీష్ వెర్షన్ విడుద‌ల‌కాబోతున్న‌ట్లు సినీ వర్గాల్లో టాక్ నడుస్తోంది. పాన్ ఇండియా లెవెల్‌లో సలార్ మూవీ సెప్టెంబ‌ర్ 28న రిలీజ్ కాబోతుండ‌గా.. ఇంగ్లీష్ భాష‌లో మాత్రం అక్టోబ‌ర్ 13న ఈ మూవీ విడుద‌ల‌య్యే అవ‌కాశం ఉన్న‌ట్లు ప్ర‌చారం జ‌రుగుతోంది. ఇంగ్లీష్ వెర్షన్ రిలీజ్ డేట్‌ను కూడా ప్ర‌త్యేకంగా సినిమా యూనిట్ రివీల్ చేసే అవ‌కాశం ఉంద‌ని సమాచారం.
కన్నడ స్టార్ యశ్ నటించిన కేజీఎఫ్ -2 బ్లాక్‌బ‌స్ట‌ర్ త‌ర్వాత డైరెక్టర్ ప్రశాంత్ నీల్ ద‌ర్శ‌క‌త్వంలో ఈ సినిమా రూపొందుతోంది. ఈ మూవీపై టాలీవుడ్‌, బాలీవుడ్‌తోపాటు అన్ని భాషల్లో భారీగా అంచ‌నాలు నెల‌కొన్నాయి. గ్యాంగ్‌స్ట‌ర్ యాక్ష‌న్ ఎంట‌ర్‌టైన‌ర్‌గా ఈ సినిమాను ప్రశాంత్ నీల్ తెరకెక్కిస్తున్నారు. దాంతోపాటు ఈ మూవీలో మ‌ద‌ర్ సెంటిమెంట్‌తో పాటు ఫ్రెండ్‌షిప్ అంశాల‌ను ప్రశాంత్ నీల్ ట‌చ్ చేయ‌బోతున్న‌ట్లు తెలిసింది.
Salaar Trailer Release : మరోవైపు, ఈ సినిమా ట్రైల‌ర్‌ను ఆగ‌స్ట్ నెల‌లోనే రిలీజ్ చేయ‌బోతున్నారు. సలార్ చిత్రంలో మ‌ల‌యాళ అగ్ర హీరో పృథ్వీరాజ్ సుకుమార‌న్ విల‌న్‌గా న‌టిస్తున్నారు. జ‌గ‌ప‌తిబాబు, శృతిహాస‌న్‌, టీనూ ఆనంద్ కీల‌క పాత్ర‌ల‌ను పోషిస్తున్నారు. సలార్ మూవీ రెండు పార్ట్‌లుగా రూపొందుతోన్నట్లు సమాచారం. ఈ సినిమాను హోంబ‌లే ఫిల్మ్స్ ప‌తాకంపై విజ‌య్ కిర‌గందూర్ నిర్మిస్తున్నారు.
