Ravi Teja new Movie RT4GM : కొన్ని కాంబినేషన్లు వెండితెరపైకి వస్తున్నాయంటే ఆ సినిమాలకు క్రేజ్ మామూలుగా ఉండదు. ఇక షూటింగ్ మొదలుకొని.. థియేటర్లలో రిలీజ్ అయ్యేవరకు ఆ సినిమా గురించే చర్చ నడుస్తుంటుంది. మాస్ రాజా రవితేజ- గోపిచంద్ కాంబినేషన్ కూడా అచ్చం అలాంటిదే. ఈ కాంబోలో ఇప్పటికే 'డాన్ శ్రీను', 'బలుపు' 'క్రాక్' సినిమాలు విడుదలై.. బ్లాక్బస్టర్లుగా నిలిచాయి. అయితే ఈ ఇద్దరు మళ్లీ జతకట్టనున్నారు. మైత్రీ మూవీ మేకర్స్ బ్యానర్పై.. నవీన్ యేర్నేని, రవిశంకర్ ఈ సినిమాను నిర్మించనున్నారు. ఇక వీరి కాంబోలో రానున్న సినిమాకు 'ఆర్టీ4జీఎమ్' అనే పేరుతో వర్కింగ్ టైటిల్ టైటిల్ కన్ఫార్మ్ చేస్తూ.. బుధవారం మరో అప్డేట్ ఇచ్చారు. అదేంటంటే?
Selvaraghavan in RT4GM.. ఈ సినిమాలో తమిళ దర్శకుడు సెల్వరాఘవన్ కీలక పాత్రలో నటించనున్నట్లు మూవీమేకర్స్ ట్విట్టర్లో వెల్లడించారు. కొన్నేళ్ల పాటు ప్రేక్షకులందరికి గుర్తుండిపోయే విధంగా ఆయన పాత్ర ఉంటుందని తెలిపారు. ఇక సెల్వ రాఘవన్తో పాటు నటి ఇందుజా రవిచంద్రన్, డైలాగ్ రైటర్ సాయి మాధవ్ బుర్ర, ఎడిటర్గా నవీన్ నూలి , సినిమాటోగ్రఫీ జీకే విష్ణు ఈ ప్రాజెక్ట్లో చేరనున్నట్లు మైత్రీ మూవీ మేకర్స్ అఫీషియల్ ట్విట్టర్ ఖాతా ద్వారా.. వెల్లడించారు. మ్యూజిక్ సెన్సేషన్ తమన్ ఈ సినిమాకు సంగీతం అందించనున్నారు.