తన అందంతో ప్రతిఒక్కరినీ ఆకట్టుకుంటుంది హీరోయిన్ రష్మిక. అలానే తన హావభావాలతో యూత్కు గిలిగింతలు పెడుతుంది. 'పుష్ప' సినిమాతో ఏకంగా నేషనల్‌ క్రష్‌గా ట్యాగ్ అందుకున్న ఈ భామ ప్రస్తుతం టాలీవుడ్‌లోనే కాదు మొత్తం సౌత్ ఇండస్ట్రీతో పాటు బాలీవుడ్‌లోనూ బడా హీరోల సరసన వరుస ఆఫర్లు అందుకుంటూ కెరీర్లో జోరు ప్రదర్శిస్తోంది. మరోవైపు తన పర్సనల్ విషయాలను, సినిమాకు సంబంధించిన అప్డేట్ను సోషల్మీడియాలో పంచుకుంటూ ఉంటుంది. ఇక ఇదే సోషల్మీడియాలో స్క్రిన్ షోస్తో గ్లామర్ ట్రీట్ ఇస్తూ ఫాలోయింగ్ను మరింత పెంచుకుంటోంది. ప్రస్తుతం చేతినిండా సినిమాలతో ఫుల్ బిజీగా గడుపుతోంది.
అయితే ఫ్యాషన్‌పై ఎక్కువ ఇంట్రెస్ట్ చూపే ఈ ముద్దుగుమ్మ.. ఇటలీలోని మిలాన్‌ ఫ్యాషన్‌ వీక్‌ ఈవెంట్‌కు హాజరై సందడి చేసింది. ఎంతో పాపులర్ అయిన ఆ ఫ్యాషన్‌ వీక్‌లో పలు దేశాలకు చెందిన యాక్టర్స్ పాల్గొంటుంటారనే విషయం తెలిసిందే. అలా అక్కడకు వెళ్లిన సౌత్ కొరియన్ యాక్టర్ జంగ్‌ ఊ, థాయ్‌లాండ్‌కు చెందిన మరో నటుడు గల్ఫ్‌ కానావుత్‌తో కలిసి రష్మిక సందడి చేసింది. వారితో కలిసి ముచ్చటిస్తూ ఫొటోలకు పోజులిస్తూ ఎంజాయ్ చేసింది. అలానే వీటికి సంబంధించిన పిక్స్ను తన ఇన్‌స్టా ఖాతా స్టేటస్‌లో పోస్ట్‌ చేసింది. అయితే ఈ ఫొటోలు ప్రస్తుతం సోషల్మీడియాలో ట్రెండ్ అవుతున్నాయి. నెటిజన్లను, అభిమానులను ఆకట్టుకుంటున్నాయి. 'క్యూట్', 'గ్రేట్‌', 'వావ్‌', 'సూపర్' అంటూ లైక్స్, కామెంట్లతో హోరెత్తిస్తున్నారు.