తెలుగు ప్రేక్షకులను ఎంతగానో అలరిస్తున్న ఖతర్నాక్ కామెడీ షో జబర్దస్త్. అయితే ఈ షోకు ఇటీవలే సౌమ్య రావు అనే కొత్త యాంకర్ వచ్చింది. గతంలో జబర్దస్త్కు అనసూయ, ఎక్స్ ట్రా జబర్దస్త్కు రష్మి గౌతమ్ యాంకర్స్గా ఉండగా.. అనసూయ సినిమాల్లో బిజీ అవ్వడం వల్ల జబర్దస్త్ నుంచి బయటకు వచ్చేసింది. ఆ తర్వాత ఆ షోకు కొత్త యాంకర్ వస్తోందంటూ రకరకాల యాంకర్ల పేర్లు వినిపించాయి. అయితే ఊహించని విధంగా రష్మి గౌతమే యాంకర్గా వ్యవహరించింది. అయితే ఇటీవలే ఆ షోకు సౌమ్య రావుని తీసుకున్నారు. అయితే తనను తీసేసి కొత్త యాంకర్ను తీసుకోవడంపై రష్మి సీరియస్గా ఉందంటూ కథనాలు వచ్చాయి. అయితే తాజాగా దీనిపై రష్మి స్పందించింది.
"సౌమ్య రావుపై నాకు ఎలాంటి నెగిటివ్ ఒపీనియన్ లేదు. తను రావడాన్ని స్వాగతిస్తున్నా. మల్లెమాల సంస్థ తను వస్తుందని నాకు ముందే చెప్పింది. అనసూయ జబర్దస్త్ నుంచి వెళ్ళినప్పుడే.. నన్ను కొన్ని రోజులు మాత్రమే యాంకర్గా వ్యవహరించమని చెప్పింది. మల్లెమాల నా సొంత సంస్థ లాంటిది. ఒకవేళ సౌమ్య వేరే షోస్తో బిజీగా ఉండి జబర్దస్త్ షోలు స్కిప్ చేసినా, క్విట్ చేసినా మళ్ళీ వెళ్తాను. హ్యాపీగా షో చేసుకుంటాను. నాకు ఎటువంటి ఇబ్బంది లేదు. మల్లెమాల సంస్థ ఎప్పుడు పిలిచినా నేను సిద్ధమే" అని రష్మి వెల్లడించింది.