మెగాపవర్ స్టార్ రామ్ చరణ్ హీరోగా గౌతమ్ తిన్ననూరి దర్శకత్వంలో ఓ భారీ చిత్రాన్ని గతంలో ప్రకటించిన సంగతి తెలిసిందే. ఆర్సీ 16గా ప్రచారంలో ఉన్న ఈ సినిమా ఆగిపోయినట్లు గత కొద్దిరాజులుగా వార్తలు వస్తున్నాయి. తాజాగా ఈ వార్తపై రామ్చరణ్ టీం అధికారికంగా క్లారిటీ ఇచ్చింది. ఈ ప్రాజెక్టు ఆగిపోయిందని ట్విటర్‌ వేదికగా తెలిపింది.
"మెగాపవర్‌స్టార్‌ రామ్ చరణ్, గౌతమ్ తిన్ననూరిల ప్రాజెక్టు ఆగిపోయింది. అతి త్వరలోనే రామ్ చరణ్ కొత్త ప్రాజెక్టుకు సంబంధించిన వివరాలు అధికారికంగా వెల్లడిస్తాం" అని ట్వీట్‌ చేసింది. అయితే.. ఈ సినిమా ఎందుకు ఆగిపోయిందనే విషయం మాత్రం చెప్పలేదు.